Для изучающих казахский язык. 7 мая 2008 г.

1

Anonymous
Аноним

41
Anonymous
Аноним Вт Май 06, 2008 20:53
Біреудің сыртынан сөз теріп ғайбаттау, мына тармақта оны басқаларға жек көрінішті көрсету Ер Азаматтың басына әбден лайықсыз әрекет. Ол жағын осы тармақтағы сасыған ауыздарын жия алмай көлгірсіп отырғандардың ар-ұятына тапсырамын. Мына тармаққа көп шықпаймын, анда-санда болмаса. Ер Көкше ағаны жамандап жатқан көрінесіздер, ал бірақ, мен ол кісіні олай деп ойламаушы едім. Сондықтан мына бетке өз пікірімді білдірсем деп едім:

Ақын
АМАН БОЛЫҢЫЗ, АЗАМАТ – АҚЫН!
Өз басым Ер Көкше (шын аты Ер Көкше емес) сияқты Азамат – Ақынды білгеніме аз-ақ уақыт. Бірінші рет ол кісіні Қазақстандағы оппозици қатарынан көрдім. Сонан бері шеруде, іс сапарда да бірге болып келеміз. Әсіресе, Алтынбектей азаматтың жоғын жоқтап, рұқсатсыз алаңға шыққан шеру кезінде, полиция атаулы біздерге лап қойғанда, Ер Көкше ағаның ешнәрседен қаймықпай, жұдырығын түйіп, ең алдыңғы қатарда кетіп бара жатқанын мен ешуақытта ұмытпаймын...
Ол жазған өлеңдер, өлең емес – өткір қылыш, оттың жасыны, жүгенсіз кеткен биліктің басына түскен найзағай болып тұр...
Ел тағдыры қыл үстінде тұрғанда, зиялы қауым бұғып қалып, азамат деп сенгендеріміз халықты ғана емес, бір-бірін оңай сатып кетіп жатқан алмағайып заманда қара табан халықтың – қазағының жоғын жоқтау үшін басын бәйгеге тіккен бірден-бір қазақ ақын Ер Көкше десем қателеспеймін.
«Екі қазақ келе жатса, бірі – ақын болып шығады» деген қазақпыз. Бірақ Ағаның ақындығының жөні басқа. Сөз басын Азамат – Ақын деп бастауымыз тегін емес. «Ақын болу парыз емес – Азамат болу» парыз деген бір керемет қанатты сөз бар, көпшілігіміз мұны ұмытып барамыз, өкінішке орай...
Тіл, сөз өнері жағынан арнайы білім алмаса да, «халықтың табаныңа батқан тас, менің маңдайыма тисін» деген ішкі ұстанымы, Ұлтқа деген жанашырлығы, азаматтық ар-намысы оны ақын еткеніне еш күмәніміз жоқ. Қазақ ақынға кенде болмаған халық, қазір де кенде емес, бірақ бүгінде не көп, қолдан жем жеген бүркіттей саңқылдаған сарай ақындары көп. Ал осындай кезде халықтың жоғын жоқтап, мұңын мұңдаған Ер Көкше ақын көп ақынның бірі емес, бірегейі деген сөз!
Ақық жаратылған шын Ақын мынау итжығысы көп тірлікте – Ақиқатты ғана мойындайды, Ақиқаттың алдында ғана тізе бүгеді. Жаратушы оны солай етіп жаратады. Ал мұндай ақыны бар халық адаспайды – Ақын жаққан Шындықтың Шырағына қарап жол табады.
Қазақ ұлт болып қала ма деп тұрған кезеңде ешкім айтпай, айта алмай отырған Ұлтқа ауадай қажет Ақиқатты айтып жүрген, Махамбет пен Бөгенбайдың Туын бірге ұстаған Дауылпаз Ақынға тек қана сәттілік тілейік!

Аса үлкен құрметпен
тәуелсіз журналист Гүлмира ТОЙБОЛДИНА


«Жапалақ мақтанса,
Жардан қоян алдым дер.
Жаман мақтанса,
Жақсының жағасынан алдым дер» деген екен атамыз қазақ. Ақ пен қара сияқылды адамның да аласы мен құласы – мерезі мен ер мінездісі болса, Гүлмира айналайын жұрттың көзін біраз дүниеге ашып тастады. Нартайды нартай деп танымай, Дараны дара емес деп даралап, 77-ні Ер Көкше деп қаралап жатқан арандатқыштардың араны жалынған сайын ашылып, ауыздарынан нәжістерін төгіп жатқандарына қарағанда олардың тегіннен-тегін шабуылдап жатпағаны белгілі болып қалды. Қорыққанға қос көрінер десе осы. Мал екеш мал да «шәй!» дегенге тоқтаушы еді, мыналардың өршіге түскені тапсырыстың қатты екендігі. Осы жақында оппозицияның бір азаматы айтып еді «Әділхан аға, сіз көп біле бермейсіз ғой, осы Алматының өзінде ең кем дегенде 35 000 үш әріптің тыңшылары жүр деп. Кеше Злой азамат өзінің позициясын ашық айтып тастады.

2

Anonymous
Аноним

Азамат деп соны айту керек.

«Қазақтың жерін жыртқан – оның жүрегін жыртумен тең» деп шырылдап жүрген ағаларың Қазақтың Әділханы.
Ал енді тап мені Ер Көкшемен шатыстыра алмассыңдар.

1- ші пост менікі

3

таулы
Свой человек  ( ? )

Қазақты менмендікпен надандық өлтіреді. Осы сайтта кеше ешкім ешқандай ақынның жағасына жармасқан емес. Еш ақын мен ақынмын деп пиар акциясын өткізбеуші еді,әдептен озып. Мен көзі тірісінде Кенен Әзірбаевты, Асқар Тоқпановты;одан кейінгі әдебиет қайраткерлерін көріп кездесуіне барғанбыз, әңгімелеріне қанғанбыз. Ешқашан ешқайсыс өзін дүл дүлмін деп позициондаған емес.
Ал енді Болашақ, қәзіргі мәңгүрт министрлердің орысша сөйлегенін,орыс тілі дүниенің есігі деп ақтауыңды қолдамаймын. Шетелге шыққанда мақау адам құсап,тек қана орыспен сөйлесе алоатын жағдайымыз мешелдік. Қазір ғылым тілі ағылшынша,орыс бодандығынан кету үшін ана тіліңмен ағылшынды меңгеру керек.

4

Alty Alash
Свой человек  ( ? )

Ассалаумағалейкум!!!

ия, қалайыздар? осы бір-біріңізге тисуді түбегейлі қоя қойсаңыздар жақсы болар еді.....одан да басқа бар емес пе назар аударар мәселе....



таулы бауырым,

ОЙыңызды мен де құптаймын.....надандық, менмендік, мақтаншақтық, көрсеқызарлық, күндестік, парақорлық, намыссыздық - міне, бұлардың бәрі ұлтты езгілеп түбегейлі құртатын дерт.....

ал Тілге келсек, әлбетте орыс тіліне жармасып, жүрген жерде орысша сөйлеп, қазақ тілін емес, орыс тілін дәріптегендік - бұл барып тұрған ұлтсыздық пен мәдениетсіздік.....орыс тілін білме деп тұрғаным жоқ, біліңдер, оқыңдар, тек орыс тілінің астына АНА ТІЛдеріңді көміп тастамаңдар деймін.....осыны ұғатындар шамалы ғана....ағылшын, неміс тілдерін де игеріп меңгерген өте орынды....білімге ұмтылу керек, ал білімді олу үшін неғұрлым көп тіл білсе, соғұрлым жақсы болады....

5

Арыс
Свой человек  ( ? )

Таулы,сіз неге ағылшындардың тіліне құмартып отырсыз,осы жапондар,қытайлар ағылшынша оқымай-ақ
бірталай жерге кетіп қалған жоқ па, қай саладан болса да.
Сіздің айтып отырғаныңыз,өз халқының ең алғашқы өз тілін біле алмай,далбасалап балаларын
шетелге жіберіп отырған,ҚАЗАҚТЫҢ қанын сүліктей сорып отырған шенеуніктердің әңгімесін айтып
отырған сияқтысыз...

6

таулы
Свой человек  ( ? )

Қытай елі экономикасы қарыштап жатса да,технолгиясының бәрі батыс елінікі, өз ғылыми ізденулері жоқ. Ал Жапон елінің тілін меңгеруге келсек,роботтар жағынан қарыштағанмен компьютерлі программалау және АҚШтағы Силикон өңірінің зерттеулерінен кешеуілдеу қалып,жүр. Сонымен қатар,жапон кереметіне негіз болған да осы батыс технологиясы,соғыстан кейін берген. Бір қызығы орыстарға да жапондарға да бірдей төтелегіш автомобиль заводтарын берген. Жапондар сол зауытта қазір Ланд Крузер шығарса,орыстар Уазик шығарып жатыр. Ал орыс ағайынға қарап, олрадың италиандар алған Ниваның ескі зауытын сатып алып біз отырмыз. Сонда орыстарға еліктеп, Нива мініп селкілдеп қазақ қайда барасың.

7

Арыс
Свой человек  ( ? )

Таулы,сізде естектің миындай ми болса, қай-қайдағы технологияны
айтып жайыңызға кетпес едіңіз ғой. (кешірім сұраймын!).
Өз тіліңді өзің қадірлемесең,басқа қайтсін сені құрметтеп.
Дүниеге шар етіп келген баланың, алғашқы татар дәмі өз анасының,
қазақ анасының сүті емес пе?,сол сүтті басқа тілге, басқа дінге
айырбастап, одан тапқан пайда да арам боларын неге білмейсің!!!.
15 миллион қазақтың 0,1пайызы,онда да,техникаға қабылетті жастарды
оқытса, солар-ақ шығармай ма ұшпаққа?.т.т
Ал жалпы қазаққа үш тілді біл деп міндеттеу бұл енді асыра сілтеушілік!!!.
Ілгеріде орыс тілін білмеген-опық жейді деген ұран шығып еді,сен оны
(орыстарды) ағаш атқа мінгізіп қойдың!!!
Әркім өз қабылетіне қарай басқа тілді білсе-білсін,ал қазақ тілін білу басты
міндетің деп жатса,онда әңгіме басқа.

8

Nurgik
Свой человек  ( ? )

Осы Таулы журген жерде айқай қоса журеді.....

Қайдан келген қазақ екен, егер қазақ болса.......

9

таулы
Свой человек  ( ? )

Біреу бас десе,біреу құлақ дейді. Қазақтың тілінен жирен деген мен жоқпын. Үш тілді болайық деп және айтқам жоқ.Үшінші тіл неге керек,заманынан қалып бара жатқан орыс тілі. Бар айтпағым сол. Ал айтысқың келіп отырса ақын ағаңмен айтыса бер.

10

Alty Alash
Свой человек  ( ? )

Арыс, Nurgik бауырлар,

таулыға бекер тиіспеңдер.....сіздер таулының жазғанын толық оқып, терең түсінбеген сияқтысыздар.....Қазақ Тілінен без деп тұрған жоқ, тіліңді біл, одан да басқа қазіргі әлемдегі білім жетекшісі болып тұрған тілдерді де білген абзал деп тұр.....орыс тілі, ағылшын тілі, неміс тілі.....осы тілдерде білім алып, оқып-тоқып, оны халыққа алып келсе, білгенін қазақша аударып не қазақтарға түсіндіріп сіңдірсе одан біз ұтпасақ ұтылмаспыз....

сыйлағанның құлы бол деген, сыйлы болыңыздар бір-бірлеріңізге....

11

Anonymous
Аноним

EXPRESS-K.KZ. Кульпаш КОНЫРОВА в материале “Японские политики знают казахский язык” пишет, что вице-министр экономики, торговли и промышленности Японии Канае Ямамото продемонстрировала прекрасное знание казахского, поприветствовав главу Минэнерго РК Сауата Мынбаева на его родном языке. Мало того, после подписания с ним меморандума о сотрудничестве в области мирного использования атома японская гостья дала интервью столичным журналистам на казахском языке.
""""""""""""""""""""""""""""""""""""""""""""""""""""""""""""""""""""""""""""""
... ҚР "Тілдер туралы" Заңының "... Қазақстан Республикасында басқа мемлекеттер өкілдерімен өткізілетін ресми қабылдаулар мен өзге де шаралар

басқа тілдерге аударылып, мемлекеттік тілде жүргізіледі."- дейтін 27-ші бабын орындауға тырысқан

тұңғыш ТІРІ-ЖАН ретінде Канае Ямамотоға "Халық Қахарманы" атағын беру керек
------------------------------------------------------------------------------------------

kilyzaman :
Ой Антивирус бауырым ай, керемет мысал жоғарыда жазғаның!!!
... Шенеуліктегі шалатуылғандардың намыстары болса, ойланып қалған шығар мүмкін!!!
... Мен ғой әлгі сарыуаймға салынып армандап жүрсем, Көзіңнен айналайын Жапондығым ай, алдын ала біледіғой олар өркениеттің иісін!!!
------------------------------------------------------------------------------------------

12

Alty Alash
Свой человек  ( ? )

жапонның қара көзі келді дағы,
қазақша сөйлеп кеп берді дағы.
Сауатты төтесінен келіп соқты,
Мынбаевтың қалды ма атар "оғы"?

Ұят па, әлде үлкен қуаныш па?
жапонның білгені бізге жұбаныш па?
неліктен сайрамаймыз міністірлер?
Қазақ тілін - Ана Тілі дер еместер!

Президенттің өзі де айтпап пе еді,
"Қазақтар Тілдеріңді сөйлет енді!
Өзара Ана Тілде білісіңдер,
Тіл барда сендер де Тірісіңдер!"

Ендеше неге мұны ескермейміз,
Президент айтса да елемейміз.
Қояннан қорқақ болып тудық па әлде?
Тіліміз орыс болып електеуде!

13

Alty Alash
Свой человек  ( ? )

жапонның қара көзі келді дағы,
қазақша сөйлеп кеп берді дағы.
Сауатты төтесінен келіп соқты,
Мынбаевтың қалды ма атар "оғы"?

Ұят па, әлде үлкен қуаныш па?
жапонның білгені бізге жұбаныш па?
неліктен сайрамаймыз міністірлер?
Қазақ тілін - Ана Тілі дер еместер!

Президенттің өзі де айтпап пе еді,
"Қазақтар Тілдеріңді сөйлет енді!
Өзара Ана Тілде білісіңдер,
Тіл барда сендер де Тірісіңдер!"

Ендеше неге мұны ескермейміз,
Президент айтса да елемейміз.
Қояннан қорқақ болып тудық па әлде?
Тіліміз орыс болып електеуде!

14

Асхат
Аноним

Ассалаумағалейкум ағайын! Мынадай бір сауалыма жауапберетін болсаныз алғысымды айтатын болам: Біз бәрімізде ұялы телефон арқылы күн сайын араласатын болдық. Сонда біз өз мемлекетімізде тұрып неге бір бірімізге таза ана тілімізде телефон арқылы хат жазалмаймыз? Баршаңызға да мәлім шығар Қазақстанға импорт ретінде әкелінетін ұялы телефондарда орыс, англ, ж.т.б тілдер міндетті түрде еңгізілгені, алайда мемлекеттік тіл жоқ. Мен үшін өте қажет - нақты, қай министірінің (Ертысбаев яки Школьник)қарамағындағы істейтін қызметкерлер ол мәселені бақылау керек? Рахмет!

15

Alty Alash
Свой человек  ( ? )

Асхат бауырым,

онымен айналысатын министірлік жоқ, ешқандай министір де оған жауапты емес.....оны сол ұялы телефондарды шығарушы фирма немесе соған софт жазатын фирмалар істеуі қажет, біздің (Үкіметтің) өтінішіміз бойынша.....ұялы телефондардың импорты жүйелендірілмеген, қайда болса сонда шыққан телефондар жеткілікті...негізі қазақ шрифтін телефондарға енгізу күрделі процесс емес секілді....мұны коммерциялық жүйеге қоюға да болады

16

Anonymous
Аноним

Ассаламағалейкүм, халайық. Алдымен кешегі әңгімемізге қысқа уақытта ғана қатысқаныма кешірім сұраймын.
Алты Алаш 12 комментатор болып, жемқорлықтың қазақтың бойында етіп көрсерткеніне тойтарыс беріп, келіспегеніне ризамын.
Адам алдымен өз өміріне өзі жауапты. Алла менің жас кезімдегі кейбір істеріме риза болмай, жазықсыз болса да мағынасыз істерді қабыл етпеді. Кешегі 80 дегі кемпір аз да болса көмегімді Алла қабыл етсін дегеннен не артық бар бұл дүниеде. Алған, жиған тергенің кімге керек, қабыл етілмесе. Екіншіден, менің ісім Алланың разы болуын күту ғана емес, ең алдымен өз сана-сезімдегі ұятымнан, ар-ожданыммен келісіп өмір сүру. Үшіншіден, - Өмір ағын, ертеңгі күніміз қандай болуын, ұрпақтың қандай үлгі тұтарын ойлауымыз керек қой ағайын. Аз да болса, әркімнің кішкене қадамы - мағынасы зор болып, үлгі неге болмасқа. Сол үйлерде көмегімді көрген 30 баланың санасында не із қалады - сол мені ойландырған. Қазақ қазаққа қандай көзқараста болғаны дұрыс - бұл да Алланың бізге қойып отырған сынды сауалы емес пе. Тәнің жерге жығылмаса да, ойың жығылуы керек-ау. ОЙ пәктігі - аз ау көпте.
Ал енді
47 ма екен, Белгісіз біреу кеше """""АҚШ-тағы дағдарыс бізге келіп жетті********** ден жазыпты.
Бұған өз келіспеушілігімді білдірсем: Жалпы АҚШ-та не көп, дағдарыс көп, бірақ сол күніне 5-6 дағдарыс болып тұратын күрделі өмір деңгейіне жеткен АҚШ-тың бір ғана кішкене дағдарысы қалай ғана Қазақ еліне 2007-2008 жылы әсер етті десеңізші.
Меніңше АҚШтың Қазақ еліне ол дағдарыстың әсерін асыра-әсіре көрсету - үлкен әбестік. Өзіміздгеі дағдарыстың себебі
- балансы жоқ сайқал саясат. 10 жыл бойы 2-3 саланы (энергетика, тау) дамытып, қалғандарын ұмытқаннан. Екіншіден, ақша қорларының олигархтардың қолында шоғырланып, олар енді бір бірімен сыйыса алмай - редерлік пайда болып, Тұран Әлем, Казком, тағысы тағылар алпауыттар - біртіндеп қаржылық ресурстарын шетелге шығарып үлгерді (БЕГСТВО КАПИТАЛОВ).
Енді сырттан жалған жау іздеп, АҚШ кінәлі деу - әбестік емес пе?

Құрпетпен Томай

17

you-ЖАН
Аноним

Асхат бауырымыз қазақ тілінде неге мобильдік фондар шықпайды деп жақсы сұрақ қойыпты. Бұл жөнінде мен де өз пікрімді жұртшылыққа жеткізсем. Меніңше, мәзірінде қазақ тілі жоқ телефондарды Қазақ елінде сатуға тыйым салыну тиіс. Заңсыз деп хабар таратқанның өзі компанияларға әсер етеді. Екіншіден, ондай тыйым салуға мүмкіндік болмаса: Қазақ елінде қазақ тілі бар соткаларды РЕКОМЕНДУЕМЫЕ деп жариялаған дұрыс. Ондай ақпаратты (Темекіге вредит вашему здоровью сияқты) әрбір сотовый қызмет бьеретін компаниялардың сайттарын міндетті түрде жазу қажет.
Үшіншіден: қазақ тілді телеофон сатқыш компанияларға мындай телефондарды 60 пайыздан асырып сатқан жағдайда: салықты 3 пайызға және ад да болса кеден режимін жеңілдетіп азайту керек.

18

Alty Alash
Свой человек  ( ? )

әлбетте Томай бауырым,

өте дұрыс пайымдап отырсыз.....экономикамызды жан-жақты күшейтіп, жан-жақты дамудың орнына бір-екі саланы ғана дамытып енді соның құлы болып отырмыз...қазір қатты экономикалық саясат жүргізудің орнына, яғни коммерциялық банктердің капиталын сыртқа шығаруды тыюдың орнына, БЮДЖЕТКЕ телміріп қарап, содан қаражат шығарып сол банктердің өздеріне құймақ....бұған не деуге болады???

19

Alty Alash
Свой человек  ( ? )

негізі қазақ тілді ұялы телефондардың болғанын Мемлекет талап ету қажет, тек сол шрифті бар ұялы телефондар сатылу қажет.....біздің мемлекеттік органдардың онымен шаруасы жоқ....өйткені мемлекеттік органдарда: Үкіметте, Парламентте, Министірліктерде қазақи патриотизм жоқ!....қайта керісінше, орысша болдырғанға талпынады....

20

Томай
Аноним

Сәлеметсіз бе Алты Алаш,
Кешегі әңгімеміздің жалғасы болсын: Елбасыны сынау, тепкілеу жөнінде. Көптеген Зонаға кірген азаматтарымыз елбасыны сынауды батырлықтың, қорықпаудың белгісі ретінде қабылдап, жұртты, әсіресе жастарды РЕВОЛЮЦИЯға дейін шақырады. Тіпті кеше белгісі біреу ме екен, менің //// ауылдағы бауырларымыз елбасыны сынауға мүддесі жоқ//// дегініме қарсылық білдіріп, өзімді сынға алуға тырысқан сияқты. Осы жөнінде пікір білдірсем.
1. Басқа ұлттар, әсіресе хахолы бар, орысы, жебірейі бар, - Нұрсұлтанның атын жамылып, қазақты қатты қыспаққа алады, өз мүдделерін өткізеді. Ал қазақ баяғы жапалақ сияқты - тастан таяқ жейді. Босқа зая - батырлықтың бізге қажеті бар ма десеңізші.
Қайта аты қазақ елбасының атын біз барынша пайдаланып, өз мүдделерімізді неге қорғамасқа. Елбасының қатесі болса, біз былай ойлаймыз, ал Нұрсұлтандыкі қате деп көрсетудің орнына - атын тепкілейміз. Ойланыңызшы, Қазақстан Республикасы дұрыс емес, Қазақ Республикасы дұрыс деп, со Қазақстан Республикасының заңдарын, жалауымыз аяқ астына салып - еліміздің символдарын қорласақ, қазақтан не қалды. Соны күтіп отыр - анау аққұлақтар. Бірлік жоқ жерде Тірлік болмайды.
2. Елбасыны сынай берумен қай алысқа барып, қазақ халқын жарылқаймыз - ағайын.
Әрине мұн.ы айту мен үшін қиын. Себебі - қазір шыға келеді - араңдатушылар, әсіре сын айтушы - батырлар: сатылдың, биліктің сен үйрегісің деп. Егер халайық бұл ойымның қатесін түсіндіріп берсе: ойланбастан қабылдап, көзқарасымды өзгерте аламын.

2.

21

Нартай
Аноним

Бауырлар!

Арыс мынау сіздің жазғаныңыз: “15 миллион қазақтың 0,1пайызы,онда да,техникаға қабылетті жастарды оқытса, солар-ақ шығармай ма ұшпаққа?.т.т “

Арыс сіздің есебіңіз бойынша 15 млн. қазақтың 0,1% деген 15000 ғана, сіздің ойыңызша сонда осы қазақ елінің бүкіл алдыңғы технологиясына жетеді деп ойлайсыз ба, ау сонда жер астында жатқан қазба байлықты, жаңа механизмдерді, атомды, компьютерді кім игереді, әлде шет елден инженер шақырып біздің қазақ балалары қара жұмыс істеу керек пе?
Менің бір таныс бухгалтер қыз телефон соғып “Компьютерім істемей қалды қарап жібересіз бе деді”, мен не жазып тұр деген сұрағыма, білмеймін ағылшынша бірдеңе деп жазады, “оқып жіберші” деген сауалыма “ағылшын әрпін білмеймін” деді, содан келіп қарасам “ …….not found. Press F1 to continue” деп жазулы тұр екен, сонда университет бітірген қыз осы сөздің аударуын да білмей отыр, тезарада істеп бердім, сонда жаңағы қыз “Қап өткенде де тап осылай болды, бір орыс программисті шақырдым газеттен қарап, келіп 1 сағат отырып, өйттім де бүйттім деп 8000 тенге алып кетті” деп санын соғып қалды, мен бұл жерде Таулы деген кісіге әбден қосыламын, біздің балаларға жақсы білім керек, ағылшын тілін біліп жатса, информатика, жаңа технологияны жақсы менгерген адам ешкімге жем болмайды, мен Арыстың Таулыға сонша реніш білдіргенін түсінбедім

Менің ойымша Алты Алаш, Арыс, Ер Кокше және тілдері жетік осы тармақта жұрген қазақ ағайындар филология, қазақ тілі және әдебиет, философия оқуын бітірген ақынжанды азаматтар шығар, кейде осы суырып салып өлең шығарып жатады, әрине бұл дұрыс, қазақ халқы әншілерге, ақындарға, термешілерге кенде емес, ол қанымызбен бірге.

Ал мен технократпын, жас талантты балаларға математика, физика, химия, информатика, ағылшын тілін жақсылап оқыту керек, ал қазақ тілі мен дәстүріміз әр ата-анаға байланысты, үйде, тойда сылқытып арақ ішіп баларыңа “арақ ішпе, ол жамаан...” деп ақыл айту қиын

P.S. Енді кіріп жазбаспын деп едім, қайтейін, бір апамыз “ұрсайын десем жалғызымсың, ұрыспайын десем жалмауызымсың” деп айтқан екен бір тентек баласына, осы жерде қазақтың бірталай зиялы азаматтары сөйлеп жатыр-ау, не деп жатыр екен деп көңілім алаңдап отырады

22

Alty Alash
Свой человек  ( ? )

Томай бауырым,

мен келісемін Сізбен, бұрын басқаша ойлайтын едім........Президентті жамандай бергеннен түк пайда таппаймыз, менің бір көңілімнің толмайтыны ол кісіге Ана Тілінде аз сөйлейтіндігі ресми сапарларда, ресми қабылдауларында, ресми жиындарда......

қайта Президенттің айтқанын желеу қылып, ол кісінің атымен ұру керек алаяқ-жемқор шенеуніктерді.....Президенттің өзі жемқорлықпен күресіңдердеп отыр, Президенттің өзі қазақ пен қазақ қазақша сөйлеп, жазысыңдар деп отыр....сонда осы Президенттің көзқарасы мен айтқандарын шенеуніктер аяқасты қылмақ па??? бұл не деген Президентті тындамайтын шенеуніктер???

Президент мемлекеттің символы, оны жамандап, балағаттағанымыз мемлекетті жамандап, балағаттағанымыз....

23

Alty Alash
Свой человек  ( ? )

Нартай бауыр!!!

мен де техникалық білім алған адаммын.....филология мен философия, тарих пен әдебиетті мектеп институтта ғана оқығанбыз....ақындық туа біткен, нағашы жұртымнан болуы керек....

ешкімге ренжімей, ешкімнен ұялмай осында кіріп ОЙ сараптауға қатысып, өз ОЙ ыңызды жазып тұрыңыз....

24

таулы
Свой человек  ( ? )

Алты-Алаштың жазғанын Сауат оқып түсіне алмайды, әттең. Себебі ол жапон елінің министрі емес қой,әттең.

25

Newman
Свой человек  ( ? )

Маша Аллаһ, Томай, Алты Алаш, сендердің сөзлеріңе қосыламын.

[quote:65caa1a15a]Са'ид бин Джубайр сказал:
"Однажды я спросил Ибн Аббаса, да будет доволен Аллах ими обоими: "Следует ли мне побуждать правителя к одобряемому и удерживать его от порицаемого?"
Он сказал: "Если ты боишься, что он убьёт тебя, то нет ".
Потом я задал ему тот же вопрос, и он сказал мне то же самое, а потом это повторилось ещё раз, и он опять дал мне такой же ответ, на этот раз добавив: [b:65caa1a15a]"Если ты обязательно должен сделать это, пусть это останется между вами ".[/b:65caa1a15a] Имам ан-Навави "Қырық хадис"[/quote:65caa1a15a]


Бұрын мұсылман халқы елбасын сайлағанда ел басы халқына басын иіп қызмет көрсетуге ант беретін. Ал халық -- елбасына басиіп ант ететін.

26

Alty Alash
Свой человек  ( ? )

таулы бауыр,

негізі Сауат Мынбаев қазақша жақсы сөйлеу керек....тек Ұяла ма, әлде қинала ма, ресми іс-сапар, қабылдауларында орысша сөйлейді....оқыса жөн болар еді менің өленімді...:)

27

таулы
Свой человек  ( ? )

Өкіметте ,тек Құсайнов М. экономика министрінің орынбасары сөйлейді қазақша. Қалған ешкім жоқ.Бір сөйлесе Келімбетов сөйлеу керек, бірақ үндемейді.
Әттең аты жақсы,бірақ өзі кереғар атына.Атына заты сай емес.

28

Alty Alash
Свой человек  ( ? )

Сауат Мынбаев Ақтөбеге келгенде сайрап жүрген қазақша.....

29

Арыс
Свой человек  ( ? )

Жапон қыз жөнді білді, тілді білді,
Қуанамыз, қызық қып, шала тілді,
Сол қызың керек болса, мазақ етті,
Қазаққа, қазақ тілін, білмегенді.

Деп айтылар, қазақтың төрттен бірі,
Өз тілін меңгермейді, кең көлемді,
Солардан туған бала, қайтып оңар,
Қосылса, ағылшының, орыс тілі.

Одан да шақырайық, тіл білуге,
Сындырып басқа тілді, меңгеруге,
Өз тілің, ең алдыңғы орын тапсын,
Содан кейін сен ғана, шүлдірле, де.

Тілің кетсе, кетеді, бар рухың,
Дінің әне, «көбейді», болды тоқым,
Көрінгендер,жабулап сол тоқыммен,
Бір-бір есек мініп ап, болған қоқым.

Сол сияқты, өз тіліңе тіл қосылса,
Екі кемені, екі қол ұстап тұрса,
Сонда қалай болғаны, ей жарандар,
Ойлап көрші қазағым, ойландырса?!.

30

77
Аноним

Құрметті 20! Томай бауырым! Кезіндегі \"Атаңа нәлет хан ием!\" деп, Жәңгірге қарсы шыққан Махамбетті енді ғана бағалап жатырмыз. Бүгінгі Ер Көкшені де енді бір ғасырдан кейін бағалайтын шығармыз.
<br>Қарадан қара Ханға ешкім қарсы шықпайды! Халық Ханға қарсы болса, ендеше ол халқына опасыздық жасаған. Өз ұлтын саналы түрде өзгелердің табанына салап беріп отырған, Ханның атын пайдаланып, қай бір істі қатыра қоясың? Жоқ Томеке, мұным өтірік пе?
<br>Осыдан 100 жыл бұрын Ахмет Байтұрсынов ағамыз \"Жерін жекешелендірген ұлт - келешекте жойылатын ұлт!\" деген екен. Шынында да, бүгінгі мыңдаған га жерге ие өзге ұлт өкілдерінің ұрпағы, енді мәселен 100-150 жылдан кейін, осы өзіміздің жерлерге біз-өзіміздің ұрпағымыздың аяғын да бастырмайды! Қазірдің өзінде бұндай жағдайлар бар (Шелек, Маловодное,..).
<br>Жалпы, Қазақстанда жерді сату - мемлекетті, ендеше қазақты, жойып жіберетін ең қауіпті, ең қысқа төте жол (еді)! Себебі, келе келе мемлекет міндетті түрде бөлшектеніп кетеді! Солтүстік Ресейге міндетті түрде қосылады! Шығысымызда Ұйғыр автономиясы шығады. Оңтістік Өзбектерге кетеді.
<br>Енді осы кезде сын айтуға қорқып отырсақ, сонда біз ол кезде жерімізді қорғай аламыз ба? Жоқ, әлде Сіз ж-о-о-қ, олай болуы мүмкін емес демекпісіз? Бұл әбден мүмкін! Мүмкін болғанда да , мына сатқын билік Сіз бен біздің көзімізді бақырайтып қойып тұрып жасайды мұны! Сын айтуға қорқып бұғып отырған Сіз бен бізге несіне көңіл бөлмек?
<br>Сіз бен біздің көзімізді бақырайтып тұрып қазақтың бүкіл қазба байлығын келімсектерге беріп, оларды әлемдегі мультимилл-лер етіп отырған жоқ па? Қолымыздан не келіп отыр?
<br>Бірігіп, айтқаныңды Президентіңе жасата алсаң ғана ұлтың аман қалады! Президенттен қорқып қайтіп қазақты жақсы жағдайға жеткізе аламыз, егер ол қарсы болып отырса?
<br>

31

Арыс
Свой человек  ( ? )

Нартай мырза!!!

Жоғарыда сіз мен туралы,білімі жоғары... оқыған шығар...
деген мағынада ой білдіріпсіз.Сенсеңіз, 1971 жылы сегізінші
сыныпта оқып жүргенімде оқудан «қуылып» кеттім.
Оның себебі, орыс тілінен беретін кексе ағайдың, тегін
осы уақытқа дейін ұмытпаймын., Аубакиров болып жазылатын.
Сол кісі;- осы сен Арыс, орыс тілін меңгергің келмейді,ал қазақ
тіліне дес бермейсің,сенің мұны маған бола,яғни орыс тіліне
қиқарлығың,деген ұстанымының аяғы екеуміздің боқтасып
қалуымызбен аяқталып, ақыры артыма шам алып түсті.
Соңы белгілі, «кінәлі» мен болып шықтым.
Осы былтырға дейін өлең жазған адам емеспін.Өзім де түсінбеймін,
мүмкін мына биліктің өз халқына жасап отырған зұлым саясатына
ма?, әлде тілімнің көкпарға түсіп отырғанына ма?,білмедім...
Бірақ бұл өлеңдерімді әлі де шатпақ деп санап жүрмін...
Қызметте болып,қолыма кабинет кілтін ұстап көрген адам емеспін.
Ар жағын өздеріңіз түсіне беріңіздер!!!

32

zheltocsan
Аноним

мәселеге Ислам тұрғысынан келсек, әр-бір мұсылманның патшаның заңын, бұйрығын орындауы оның уажип міндеті (мейлі ол патша кәпір, мейлі мунафих болсын). Бірақ, мынау жауапкершілігі заңмен шектеулі, патша халық тарапынан сайланатын заманда, оған патша болуға ұмтылған адам, егер ол Ислам жолынан басқа бағдармен жүруге уәде беріп, өзінің күнделікті жеке өмірінде Ислам жолынан алшақ жолмен жүретін болса, онда әр-бір мұсылманның ол адамды өзінің мемлекетін басқаруға сайлануына қарсы болуы және оны мемлекет басшылығына сайламауы оның мұсылмандық міндеті. Бұндай қоғамда патшаның әділетсіздігін айтпай отыратын мұсылман адам, ол патшаның рухы жоқ құлы емес. Бұл әрекеттердің заңға бағыныштылыққа еш қатысы жоқ.

Және де тағы да Шариғат тұрғысынан келсек, ұрының қолы кесілуі керек.

Ал бүтін бір мемлекеттің қазынасын өзінің туған-туысқандарына, өзіне пара берген және өзін жақтайтын сыбайластарына бөліп беріп, адамның ақысын жеген патшаның, адамның ақысын жеуге жағдай жасайтын алаяқтық заңдар шығарған патшаның жазасын Бір Аллаһ ғана береді. Оны адамдардың қолымен осы дүниеде береді ме, қияметте қайнап тұрған тозақта береді ме, әлде оны тәубесіне келтіріп, оған кешірім береді ме, оны Бір Аллаһтың Өзі ғана біледі. ОЛ АЛЛАҺТЫҢ ҚАЙ ІСІ БОЛСА ДА АСА ӘДІЛ, ӨТЕ ТУРА!

33

zheltocsan
Аноним

үкіметте қазақша жақсы сөйлейтіндердің бірі Өмірзақ Шүкеев. Бас штаб бастығы Алтынбек Сәрсенбаев, ішкі істер министрі Бауыржан Мұхаммеджанов, аты шулы жол полициясы департамент бастығы Түсіпов, бас прокурор, жоғарғы сот төрағасы, облыс әкімдері мен ұлты қазақ депутаттар түгелдей дерлік қазақшадан кенде емес, тек кейбірінің жалтақтық деген қанға сіңген әдеттері болмаса.

34

Арыс
Свой человек  ( ? )

Томай бауырым...

Дәл осындағы айтыс аралығынан сіздің өз пікірімді өзгерте алатын
шығармын деген ойыңызға қосыла алмаймын...
77-ге қосыла отырып,елден естіген мына бір әңгімемді құлағдар етіп
көрейін. Ілгеріде ( 1916жж) орыс патшасы қазақтан окоп қазуға деп
қазақ жастарын алуды бастамады ма?.Сол кезде болыстардың көзі
кедейлердің жалғыздарына түсіп,оларды окоп қазуға дайындап жатқан
көрінеді.Жалғыздарынан айырылар кедейлер қарсы шықпай ма,әлгі
бай-манаптарға;- Ау сендердің үйлеріңде жүрген жоқ па қос-қосынан?,
неге жібермейсіңдер деп. Сондағы ел билеген бишікештердің уәждері
осы күнге дейін қазақ атам балаларының ұрпақтан-ұрпаққа ауысып келе
жатқаны. Ол уәждері оқымаған қараңғы қазақтың санасынан осы күнге
дейін кетпеуде.-Сендер (кедейлер),бұл сөздеріңмен құдайға қарсы келіп
отырғандарыңды сеземісіңдер,патша,- құдайдың жердегі өкілі,сол арқылы
сендер күнәкәрсіңдер деген мағынада. Алайда патша да ет пен сүйектен
жаралған адам екенін бәріне аян нәрсе емес пе?.
Патша ма?,өз халқын сыйлай ма, сөйлесін онда ресми кездесулерде
өз тілінде.Сөйлемейді екен онда халқының тілін көрсетуге намыстанып
отыр,кемсітіп отыр деп айтуға толық негіз бар.
Содан кейін Ғалымжан Жақиянов өз мақаласында келтіріп кеткенін
бәрің білесіңдер;- Мен халық алдында айтамын,ал сендер өз білгендеріңмен
жүріңдер деген Елбасының сөзін қайда қоюға болады!!!!
Қалайша осыдан кейін НАН-ның бар айтқанына сенуге болады деп?!!!!!!!!

35

Anonymous
Аноним

Әй шіркінай, әй шіркінай қазағымай!
Томайдан кейін соның айтуы бойынша Еркокше айта беретін ұры қалмақтың артын жалап жұқтап жалаймыз ғой шамасы. Не болып кетті өзі? Енді кімге сенетін болдық өзі мынау масқара емей не нағыз соның қолымен тек соның қолымен емес пе барша жаманшылық қазаққа қарсы жүріп жатқызғаны енді кімге сенеміз кімге сенеміз? Томай президентті құлап сүейм деген соң мына тіршіліктің осы бар ғой мына өмірдің атасының аузын демей не деуім керек, қалай айтам? Ұят ай. Мен южанды ақылды десем ұят ай.

36

zheltocsan
Аноним

Ареке,

Ғалымжанның сол кітабының сіз келтіріп отырған жерлерін газеттерден оқығанмен кітапты толық көрмеген едім. Егер ол кітап интернетте болса сілтемесін бере алмас па екенсіз?

37

Арыс
Свой человек  ( ? )

Ардагердің, соғыс көрген, ұрпағымын мен өзім,
Көрмесем де, сол соғысты, әкем айтқан өзгесін,
Сонда жүріп, қолға түскен неміске де үйреттім;,
Қазақшаны;- Кешір, деген, бүге менен шігесін.

«Кешір», деген мағынада, талай жатыр терең ой,
Алладан да адамнан да, оны сұрау жөнді ғой,
Бір-біріңе кешірімшіл болыңдаршы қазақтар,
Оның түбі жәннәт болар, осы емес пе ұлы той?.

Патшаңда да, біз де өтерміз мына жалған дүниеден,
Қазақ тілін қорғайық та, түсіртпейік, төбеден,
Ұрпақтарға мықтап беріп, жанды салып қорғайық,
Арылайық, кем ақылды, шала қазақ, пендеден

Сондықтан да, таласпайық, келейік бір тоқтамға,
Мына өмірде, қазақ тілін текті қазақ жоқтауда,
Тексіз пенде, мәңгүрт болған, тілді айтуға қарсылар,
Кешіріңдер, құдай атсын, ұрпақ сені боқтауда!!!.

38

Арыс
Свой человек  ( ? )

Ол кітәпті қайта-қайта оқығаным болмаса, дәл қазір қолымда жоқ.
Ал сілтеме туралы білмедім...

39

Нартай
Аноним

Иә бауырлар, мен бірталай сөздеріңе қосыламын, бірақ мен айттым ғой технократпын деп, мен тап кәзір Жанықұл Орынбеков деген азаматтың орындауында термелерін тыңдап отырмын, мен қазақ халқының жақсы өмір сүргенін қалаймын, осы отырған қай азамат болса да осыған колдау ойлайтын шығар. Мен қолымнан келгенше жастарға жоғарғы технология туралы сабақ та беремін, баларымды да тәрбиелеймін, терме тыңдаған адам басқа ақындарды да силайлы деп ойлайме, мен өзім ататқты Базар жырау тұқымы боламын, әу қазақтарым заман зырылдап өтіп бара жатыр.......

40

Anonymous
Аноним

Е, Ш. Балқы Базар десейші, туысқаным деп айтпай-ақ қойдым, себебі мұсылманның бәрі туысқан ғой