Дата публикации: 2008-08-21 23:26:29

Тыныштық пен қауіпсіздік басты назарда

[430/5]

Сапарға шыққан кез келген жолаушыға бәрінен бұрын өзінің қауіпсіздігі қажет. Әсіресе, қазіргідей шақта темір жол көлігін пайдаланбайтын адам кем де кем. Жолақысын төлеп, жайлы орындарына жайғасқан олардың ендігі тыныштығы, тәртіптің сақталуы желілік ішкі істер бөлімдері қызметкерлеріне байланысты. Ал еліміздің Ақмола, Қарағанды, Қостанай, Павлодар және Солтүстік Қазақстан облыстары арқылы өтетін темір жолдар мен мекемелеріндегі қоғамдық тәртіпті көліктегі орталық ІІД қадағалайды. Осыған орай аталған департамент бастығы Темірбай АХМЕТОВ атқарып жатқан жұмыстары жайында айтып берген еді.



– Темірбай Біләлұлы, сіз басшылық ететін департамент қызметкерлері қадағалайтын темір жол учаскесі қанша шақырымды алып жатыр?

– Біз Ресей Федерациясының Оңтүстік – Орал, Батыс – Сібір учаскелерімен жалғасатын Қазақстанның 6363 шақырымнан астам негізгі темір жол аумағына қызмет көрсетеміз. Мұнда 210 бекет, 107 вокзал, 87 разъезд, 70 казарма, 46 түрлі нысандар орналасқан. Тәулігіне осы көліктегі орталық ІІД қызмет көрсететін темір жол учаскесінен 130-152 жолаушы пойыздары өтсе, күн сайын 20 мыңнан 25 мыңға дейін жолаушылар тасымалданады.

Көліктегі орталық ішкі істер департаментіне Астана, Павлодар, Петропавл, Қарағанды-Сұрыптау, Қостанай, Көкшетау, Атбасар, Есіл, Ерейментау, Қарағанды – Жолаушы, Балхаш, Жезқазған, Мойынты, Бурабай курорты, Тобыл, Құсмұрын, Екібастұз бекеттеріндегі және Астана мен Қарағанды қаласы халықаралық әуежайындағы бірнеше желілік ішкі істер бөлімдері, онымен қоса кі­шігірім бекеттерде орналасқан 31 желілік полиция пункттері қарайды. Демек, аталған департаменттің атқаратын қызмет ауқымы өте кең. Ал оның маңыз­дылығына келсек, қызмет көрсету учаскесінде 10 әуежай бар, оның 2-і халықаралық бағыттағы әуежайлар болып табылады.

– Тәртіп бұзып, қылмыс жасайтындар саны кеміді ме, өсті ме?

– Ағымдағы жылдың бірінші жартысында 585 қылмыстық іс қозғалып, тіркелді. Өткен жылдың осы кезеңімен салыстырғанда 9,2%-ға өскен. Әрине, біздің қыз­мет көрсету аумағында кісі өлтіру, қарақшылық сияқты қылмыстың аса ауыр түрлеріне жол берілген жоқ. Ауыр қылмыстардың саны 11,6 % - ға қысқарды. Іздеуде жүрген 20 қылмыскер ұсталды. Сонымен қатар, 57 есірткі өткізу және 16 есірткі контрабандасы фактісі тіркелді. Заңсыз есірткі айналымынан 43 кило әр түрлі есірткі заттары тәркіленді, оның ішінде 229 гр героин алынды.

Жұмысты талапқа сай ұйымдастырып, тәртіп бұзушылықтың алдын алудың арқасында көптеген қылмыс түрлері азайды. Мәселен, қоғамдық орындарда жасалатын қылмыстар 3,6%-ға, балалар бұзақылығы 33,3%- ға төмендеді. Елі­мізге келіп-кету заңын бұзған 1321 шетел азаматы әкімшілік жауапкершілікке тартылып, оның 109-ы республика аумағынан тысқары шығарылды.

– Жұмыс талапқа сай орындалу үшін соған сай жағдай да жасалынуы керек. Бұл орайда желілік полиция бөлімдеріне қандай көмек беріліп жатыр?

– Ағымдағы жылдың есепті кезеңінде барлық желілік полиция пункттері күрделі жөндеу жұмыстарынан өтіп, жаңа жиһазбен, құралдармен жабдықталды. Ал “Қазақстан темір жолы” ҰК” АҚ - тан 13 000 000 теңге қаражат бөлініп, ол ақшаға департамент қажеттілігіне ВАЗ-21214 жеңіл автокөліктер сатып алынды. Жаңа автокөліктер барлық желілік полиция пункттеріне таратылып берілді.

– Атқарылған істерге тоқталып өтсеңіз.

– Жалпы, үстіміздегі жылдың ақпан айынан бастап, көліктегі орталық ІІД жаңа бір бастаманы жүзеге асырды, яғни жолаушылар пойызында азаматтарды қабылдау шарасын жүргізді. Департамент басшылығы және желілік ІІБ бастықтары жолаушылармен 250-ден астам кездесулер өткізді. Бұндай кездесулерде азаматтар пойыз ішінде қызмет көрсету сервисі мен жолаушылардың қауіпсіздігін қорғау мәселелеріне қатысты өз ұсыныстары мен өтініштерін білдіруге мүмкіндік алады. Сондай-ақ, департамент құрылымына штаттық өзгертулер енгізудің арқасында Жезқазған қаласының әуежайында және Вишневка бекетінде, Ресеймен шекаралас жатқан Шарбақты поселкесінде жаңадан желілік полиция пункттері құрылды. Көлік полицейлері темір жол бойында жолушылар қауіпсіздігін сақтауда міндеттерін абыройлы атқарып жүр деп айта аламын.

– Әңгімеңізге рахмет!

Оставить комментарий

Имя [аноним / ввести пароль]


Заголовок сообщения


Текст сообщения



Введите код, который вы видите на изображении

Комментарии пользователей

1 Anonymous Аноним	Чт Авг 21, 2008 23:59   Бізге білінбейтін жұмыс. Істеп жатса істеп жатқан шығар.
2 Мәмбет Аноним	Пт Авг 22, 2008 11:37  Мақаланы былай аяқтау керек еді. -Алдағы уақытқа қандай жоспарларыңыз бар? -Елбасының алдымызға қойған міндеттерін жүзеге асыра отырып,алдыңғы қатарлы елу елдің сапына қосылу үшін бар күш жігерімізді аямай еңбек етуіміз керек. Олүшін бізге барлық мүмкіндік жасалған.НұрОтан партиясының басшылығымен әлі де үлкен жетістіктерге жететінімізге сенімдімін.
3 Anonymous Аноним	Пт Авг 22, 2008 12:59   Бұлар болмаса тәртіп те болмайды.
4 Мәмбет Аноним	Пт Авг 22, 2008 13:32   Жігіттер істей берсін.Оларды айтып отырған жоқпын. Мәселе мақалада. Баяғы жартас сол жартас.Біздің журналистика тоқырау заманында қалып қалған сияқты.
5 Жан Аноним	Пт Авг 22, 2008 19:33   Грузиядағы соғыс Қазақстандағы саяси процесстерді жандандырады және режимнің құлауына әкеледі. Бұл халыққа жақсы үрдіс. Грузияға инвестиция төгілсе де ол ақшадан халыққа қалай болса да пайда жоқ.