Дата публикации: 2008-10-08 00:38:14

Қазақтың "асқақ" рухы қайда қалыпты?

[346/7]

Болат Атабаев:

– Оның себебi де, салдары да айқын. Бәрiмiз “қазақстандық ұлт” болуымыз тиiс. Қазақ тiлi “қазақстандық ұлт” құруға үлкен кедергi. Сондықтан тiл мәселесiн шешуге шенеунiктер құлықсыз. Билiк «қазақ тiлiнiң мәртебесiн, абыройын көтеруiмiз керек» деп бiр айтып қояды. Бiрақ, iс жүзiнде ешқандай қадам­ға бармайды. Астыртын тiлдi жою саясатын жүргiзуде. “Қазақстандық ұлт” дегенiмiз не? Мұны былай түсiндiруге болады. Бурятияда Борисов деген режиссер жолдасым бар. Бiрде ол маған жылап отырып: “Мен өлген, өшкен, құрдымға кеткен ұлттың өкiлiмiн” деген едi. Аты-жөнi орысша. Өмiрде де, сахнада да тек орыс тiлiнде сөйлейдi. Түрi ғана бурят. Болмыс-бiтiмiнiң бәрi де орысқа айналған. Демек, бұл – ұлт жойылды деген сөз. Сол сияқты эскимостар да, нанайлар да ұлт ретiнде құрдымға кеттi. Олар тiлден айырылды. Тiлден айырылған халық ұлттық рухынан да, болмысынан да қол үзедi. Ұлт ретiнде тарих сахнасынан түсiп, келмеске кетедi. Қазақ ұлтын жою үшiн жасалған арнайы жоба да бар. Ұлтты жойғаны үшiн бiр адам Нобель сыйлығын алады. Сол кiсiнiң көңiлiн аулау үшiн, сыйлықты әперу үшiн қазақты ұлт ретiнде жоюға билiк жұмыла кiрiстi.

Қазақтың ұлттық намысы мықты, рухы асқақ дейiк. Олай болса, “мемлекеттiк тiлдi қолдау” митингiсiне неге бар-жоғы 2000-ға тарта қазақ шықты? Қалған қазақ қайда? Олардың намысы қайда? Қазақ тiлi тек Шахановқа ғана қажет пе? Қазiр қазақ екiжүздiлiкке әбден ден бұрған сияқты. Халықты кiнәлауға болмайды деген түсiнiк бар бәрiмiзде. Намыссыз, намысы жоқ халықты неге кiнәламау керек? Абайдың өзi: “Сократқа у iшкiзген, Иоанна Арктi отқа өртеген, Ғайсаны дарға асқан, пайғамбарымызды түйенiң жемтiгiне көмген кiм? Ол – көп, ендеше, көпте ақыл жоқ. Ебiн тап та, жөнге сал” деген. Ұлт мәселесiн шешуге халықтың өзi құлықсыз сияқты. Оларға ештеңе емес тәрiздi. Ойланып көрiңiздершi. Мұхтар Шаханов қазақ тiлiнiң мәселесiн көтермегенде, биiк мiнберлерден тiл мәселесiн айқай салып айтпағанда, қазiр қазақ тiлi болмайтын едi. Қазақ та Сiбiр халықтарының кебiн киер едi. Ұлт мәселесiн көтерген Шахановты халық неге қолдамады? Бiрлi-жарым адамдар болмаса, жалпыхалықтық қозғалыс байқалмайды. Американың резервацияда тұратын үндiстерiн бәрiмiз бiлемiз. Бара-бара қазақ та солардың жолын құша ма деп қорқамын.

Болат Атабаев, "Жас Алаш" №80(15330) 07 қазан 2008 жыл

Оставить комментарий

Имя [аноним / ввести пароль]


Заголовок сообщения


Текст сообщения



Введите код, который вы видите на изображении

Комментарии пользователей

1 Арыс Свой человек  ( ? ) зарегистрирован: 12.04.2008 комментов: 949	Ср Окт 08, 2008 02:18   Оны Елбасы бастаған топ жұтып отыр!!!!
2 Anonymous Аноним	Ср Окт 08, 2008 11:15   Қазақтың "асқақ" рухы ақcақ. "Олай болса, “мемлекеттiк тiлдi қолдау” митингiсiне неге бар-жоғы 2000-ға тарта қазақ шықты? Қалған қазақ қайда? Олардың намысы қайда? Қазақ тiлi тек Шахановқа ғана қажет пе?" Митингтердiң еш пайдасы жоқ. Тек қана бүкіл Қазақстандарда сол жиналыстар ұйымдастырылса ғана пайдасы болар еді. Ал жақында өткен митинг - жай ғана көз бояушылық, популизм. Кітап, журналдар қайда? Тек Спид-инфоның қазақша түрлері толып тұр. Оқулықтарды айтпай-ақ қойдым. Министірлігтердің сайттарына қазақша жазылған іс-кағаздардың үлгілерін еңгізу керек, тілді бала бақшадан, мектептен үйрету керек. Жалпы қазақтарға тиіспей, жалпы орыстарды жамандамай, өзіміздің биліктерде отырған қазақтардан сұрауымыз керек. Солардан сұраңыз.
3 Айна Айтжанова Свой человек  ( ? ) зарегистрирован: 11.09.2007 комментов: 1323	Ср Окт 08, 2008 13:21  Айна Айтжанова ұсынысы Клуб ұйымдастырушыларға ұсыныс: Мен 25 -ші қазанда сіздердмен клубтарыңда кездессем деген ой бар. 1- Кездесуде қазақтарға арналған істер жайында айтсам деймін. Сол арқылы сол істерге қазақ жастардың қызығушылығын оятсам деймін. 2 - ші, мен информатика маманымын. Қазақ жастарға әр аптада, 25-ші қазаннан бастап компьютер жайында сабақты тегін берсем деген ой бар. Мен үшін аптада бір рет 1 сағат ұақытты тегін бөлу қиын емес. Компьютерді өзім әкелемін, проектор жағдайын шешсе болды, болмаса өзім шешемін. Сол сабақтарда алғашқы қажет білімдерді, интернетке сотка арқылы шығу, Интернетті дұрыс қолдану, және де қажет білімдерді ұйретемін. Сіздердің келісімдеріңді осы жерде жарияласаңыз, елдерге естіртуге оңай болады. Бір - екі апта бұрын келісімдеріңді естіртулеріңізді сұраймын. Сонда мен бірінші кездесуге қоса студенттерді, осы жердегі адамдарды шақыруға мүмкіндігім болады.
4 Айна Айтжанова Свой человек  ( ? ) зарегистрирован: 11.09.2007 комментов: 1323	Ср Окт 08, 2008 13:25  Телефондар Телефондар жауап бермеді.
5 nafigasi Свой человек  ( ? ) зарегистрирован: 12.07.2008 комментов: 15	Ср Окт 08, 2008 19:01  Атабаевқа Қызық, автор кімді айыптар тұр, халықты ма, Назарбаевты ма? Меніңше, бұл арада подмена понятий болған сияқты.тіл мәселесі қазір көтеретін мәселе емес,қазір әлеуметтік мәселелрді көтеру керек.білім алу, медицина неге тегін болмасқа,қазақ халқының жұмысбасты болуына еш гарантия жоқ. тіл деген тойынған қазақтың арзанқол ойыны,оған атабаевтың кіріскеніне таң қалдым.Одан да Айнаның білмегендерге компьютер үйретем дегені дұрыс.Қалған нәрсенің бәрі на фиг?
6 Рух пен Тіл Аноним	Вс Окт 26, 2008 23:13   Құрметті Айна Айтжанова, әрине келіңіз, алайда 25 қазан демалыс күні болғандықтан, одан кейінгі аптада кездессек игі болар еді. Көріскенше!
7 Anonymous Аноним	Вт Ноя 04, 2008 10:44  5 комментаторга Осындай ұрандарды көп естимін. Не деген білімсіздік. Оу, көке! Тіл, экономика, әлеуметтік жағдай неге бірге дамымасқа?! Мәдениетің құрдымға кетті ғой! Себебі, оны сен сияқты маубастар кейінге қалдырып отыр. Алдымен қарынды толтырып алайық, сосын бәрі болады дейді! Бір өлген дүниені тірілтіп алу мүмкін емес. Тілді де, мәдениетті де музейден көретін боласын, сорлы!