Дата публикации: 2008-09-22 13:09:52

Тіл тағдыры - ұлт тағдыры

[302/3]

21 қыркүйекте «Сары-Арқа» кинотеатрының артындағы саяжайда Мұхтар Шахановтың және әртүрлі саяси партиялардың, мемлекеттік емес ұйымдардың ұйымдастыруымен, мемлекеттік тілді қолдау шарасы өтті. Шараға келгендердің саны – небары 700. Яғни, бұл санға қарап не айтуға болады? Қала жұрты тіл мәселесіне немқұрайлы қарағаны ма, әлде күйбең тіршіліктен уақыттары болмады ма?

Тағы бір таңқаларлығы бұл жолы да, жиналғандардың жетпіс пайызы егде жастағы адамдар. Сонда еліміздің болашағы – жастарымыз қайда? Шараға жастарымыз келіп, еліміздің белгілі қоғам қайраткерлерін тыңдап, осы игі істі жүзеге асыруға ат салысса, қандай керемет болар еді. Неге біз ұлтымыздың жанайқайына құлақ аспаймыз? Егер жастарымыз құлық танытпаса, мұндай шараларды не үшін, кім үшін ұйымдастырамыз? Бұл шараның өтетіні жайлы жоғарғы оқу орындары хабарсыз немесе ректорлары барушы болмаңдар, әйтпесе оқудан шығасыңдар деген себептер де айтылып жатты. Бірақ осы бір бодандық әдеттен қашан арыламыз? Қашанға сол тыйым салушылардың аузына қараумен күнелтеміз? Біз сонау аспандағы күнге талпынған жас қырандай еркін, ұшқыр қиялды болуымыз керек. Бізді ешбір тосқауыл да тоқтатпауы тиіс. Біз тек алға қарай қанаттана ұшуымыз керек емес пе? Ата-бабамыздан қалған салт-дәстүрімізді, дінімізді, шұрайлы тілімізді біз қолдамасақ, кім қолдайды!

Шарада өзге ұлт өкілдері де болды. Бұл қуантарлық жайт. Яғни, олардың да мемлекеттік тілімізге аса құрметпен қарағаны ғой? Хабарламаны тарату барысында да, негізінен өзге ұлт өкілдері жанымызға келіп, шараның қайда өтетінін сұрап, қолдауға келетіндерін айтып жатты. Керісінше, өзіміздің қазекелер мұрнын тыжырайтып, «қаланы қоқысқа айналдырдыңдар» деген айып тағып жатты. Сонда тіл мәселесі өзімізден гөрі, өзге ұлт өкілдерін алаңдатқаны ма? Алысқа бармай-ақ, көршілес Өзбекстан, Тәджікстан сияқты өз тіліміздің деңгейін неге көтермеске? Сондықтан, тіліміздің дәрежесін көтеріп, оның ары қарай дамуына ат салысайық, ағайын!

Оставить комментарий

Имя [аноним / ввести пароль]


Заголовок сообщения


Текст сообщения



Введите код, который вы видите на изображении

Комментарии пользователей

1 Солтүстік Қазағы Аноним	Пн Сен 22, 2008 13:24  Ана тілім Қазақ тілім тамаша, Ұмытпаймын түрмеге де қамаса! Мұндай шараға алдын ала дайындық керек! Бірақ көш жүре түзеледі деп атам Қазақ тегін айтпаған шығар! Сең қозғалды!!! Енді бұл шараны үзбей жалғастыра беру керек! Алматыдан басқа қай қалада өтті екен мұндай шаралар! 2000 адам қатысты деген хабар бар ғой! Ана тілім Қазақ тілім тамаша, Ұмытпаймын түрмеге де қамаса!
2 Anonymous Аноним	Пн Сен 22, 2008 14:09   Мен ол митингке бармадым. Бала-шаға бар,солардың қамы, шашылығымды сатыып отыра бердім. Ол жерге барып 2-3 сағат уақытымды кетіріп жүргенше 5-10 тиын таппаймын ба? Менің шашылығымды қай тілде жеп жатыр, қазақша ма, қалмақша ма, бәрібір емес пе? Мен барғанда бір нәрсе өзгеріп кете ме? Бар ғой жоғары жақтағылыр.
3 Anonymous Аноним	Пн Сен 22, 2008 17:27   2-ші, сенің " шашылығымды сатыып отыра бердім" дегенің өтірік - Алматыда ондай қазақ жоқ. Рас болса, орныңды көрсет - " шашылығыңды" жеп көрейік.