Дата публикации: 2008-06-04 14:00:40

«Тасжарған» газетінің бас редакторына!

[275/7]

Газеттеріңіздің 06.03.2008 ж.санындағы Ермұрат Бапидің «Азаттың» атауына талас тудырғандарды түрткілеген кімдер?» деген мақаласында Қазақстанның азаматтық «Азат» қозғалысы, оның төрағасы Х.Қожа-Ахмет пен әріптестері туралы ақиқаттан алшақ көптеген сөздер айтылыпты. Бізді ҚР Қылмыстық кодексінің 129-бабы (Жала жабу) және 130-бабы (Қорлау) бойынша сотқа жүгінуге мәжбүр қылмай-ақ «Тасжарған» газеті Е. Бапи мақаласына жауап ретінде Х.Қожа-Ахметтің «Шы-нында да, оларды талас тудыруға түрткілеген кімдер?!» деген мақаласын ҚР «БАҚ туралы» заңына сәйкес жариялауларыңызды сұраймыз.

Шынында да, оларды талас тудыруға түрткілеген кімдер?!

«Тасжарған» газетінің 06.03. 2008 ж. санында оның «бас оқырманы» Ермұрат Бапи: «Азаттың» атауына талас тудырғандарды түрткілеген кімдер?» деген мақаласын жарияла-ған екен. Иә.1990-шы жылдан саяси жұмыстар атқарып келе жатқан «Азат» қозғалысы-ның атына «Нағыз Ақжол» партиясы өзінің соңғы сиезінде «жиендік жасауды» ұйғар-ғаннан бері бізді, «азаттықтарды» да: «Бәсе-ау, қазақ тілінің қорында жүз мыңға тарта сөз бола тұра «Нағыз Ақжол» партиясының серкелерін «Азат» атауына жармасуға түрткілеген кімдер?» деген сұрақ мазалауда.
Сөйтіп, өздерін «солидный» (саяси деңгейі емес, әмияны болар!) атайтын бүгінгі заманғы Шорманның Мұстапалары атын тартып алып жатқан соң «Азат» қозғалысындағы қарабұқара мұның заңсыздығын айтып «Әділет» министрлігіне хат жолдағаны Бапи мырзаны тым қатты ашуландырыпты.
Иә. Партия серкесі Болат Әбілов, өзі айтқандай, баласының атын Азат деп қоя алады. Өйткені бала атын қою туралы заң, ереже жоқ. Ал бұрын тіркелген қоғамдық ұйымның атын өзге ұйымның қайталап алуына тыйым салатын «Қоғамдық бірлестіктер туралы» заң (15-бабы) бар. Әлде мұндай заң барын «солидный саясатшымыз» дейтін «нағыз ақжол-дықтардың» білмегені ме?! Ал тіпті түрлі қитұрқы жолдармен аттас ұйымды тіркеткен жағдайда мұның екі ұйымның да жұмысына тек қиындықтар туғызатыны саясатшы емес адамға да түсінікті нәрсе ғой! Ендеше «нағызақжолдықтарды», анықтай айтсақ, сол парти-яның серкесі Б. Әбіловті «Азаттың» атын қозғалыс мүшелерімен еш ақылдасып, келіспес-тен тартып алу үшін талас тудыруға мәжбүрлеп, түрткілеген кімдер? Ұйым аттарын осы-лайша егіз немесе ұқсас ету әрекеттері әдетте халықты шатастыру мақсатында жасалушы еді ғой?! Саясат төңірегіндегі жорналшы ретінде мұны түсініп, ақылын «нағызақжолдық-тарға» қарата айту орнына Бапи өз газетінің бетін аямастан «Азат» қозғалысы тарапына мұсылманның дәретін бұзарлықтай талай сөздер жазып тастапты.
Шынына келсек, саяси ұйымның атын конкурс жариялау арқылы қою нағыз саяси сауатсыздық. Ал, егер «Нағыз Ақжол» сиезінде: «Партияның жаңа атауы «коммунистік» болсын»- деген ұсыныс басым болса «Нағыз Ақжол» атын «Коммунистік партия» деп өзгертер ме еді (өзінің буржуазиялық идеясына қарамастан)?!
«Азат» қозғалысының мүшелеріне мұрын шүйірген Болат Әбілов пен оның қолдаушы-лары бас салып «Азат» ұйымының атын тартып алуын жөн іс деп есептеген Бапи бұл әрекеттен нағызақжолдықтар, жалпы еліміздегі саяси ахуал не ұтатынына еш саяси аргу-мент айтпайды. Оның орнына, «Сезікті – секірер» дегендей, Бапи «Азаттың» бұрынғы-кейінгі тарихына шолу жасап оның даукес ұйым екенін дәлелдемек болады. Тәуелсіз саяси сарапшы болса бір сәрі, ал белгілі бір ұйымның сойылын соғушы адамның өзге ұйымның жұмысына объективті баға бере қоюы біздің қоғамға аса тән нәрсе емесі белгілі. Тіпті, бір ұйымның ішкі жағдайы мәселесі өзге ұйымға оның атын тартып алуға құқық береді деп қай заңда жазылыпты? «Азаттың» жағдайы дәл Бапи айтқандай болса «Нағыз Ақжол» партиясы оның атын алып несі бар, атам қазақ «Бүлінгеннен бүлдіргі алма?!» демеп пе еді?! Дәл бір қоғамдық ұйымдарды тәртібі үшін жазалайтын прокурорша Бапи «Азат» атына «жиендік жасаушыларға» бүйрегі бұра отырып, «Азат» қозғалысының төңірегіндегі дау-дамайлар туралы өз газетінің мұрағатында қаттаулы жатқанын айтады. Жарайды, «Азат» еліміздегі алғашқы қоғамдық, тәжірибесі аз саяси ұйым болғандықтан 1991-92 жылдары ондай жайыттар орын алды делік. Бірақ, «Қуырдақтың көкесін түйе сойғанда көрерсің» дегендей, дау-дамайдың көкесін халық Назарбаевтың маңайынан оппозицияға шыққандар қоғамдық ұйымдар құрған кезден бастап көріп отыр емес пе?! Егер «Азат-тағы» 1992 жылғы дауға қозғалыс ішіндегі назарбаевшыл фракция кінәлі десек, ал одан кейінгі - 2002 жылғы және осы 2008 жылғы «Азат» төңірегіндегі дау-дамайды Бапи қолдайтын байшікештер оппозициясы тудырып отыр ғой?!
Ал, шындығына келсек, «Азат» қозғалысының жұмысы дәл Бапи айтқандай «нөл» күйде емес екеніне дәлел жеткілікті. Әрине, қоғамдық ұйымдар белсенділігі дәл тәуелсіз-дік алар қарсаңдағы «жылымық кезеңдегі» деңгейде тұрмайтындығы объективті құбылыс. Мен басқаратын, қарапайым халықтың «Азат» қозғалысы түгіл кейіннен, министр, пре-мьер-министр т.б. жоғары лауазымда болғандар мен миллионер байлар құрған партиялар-дың да талайы тарап кетіп, тірілерінің тындырғандары сайлау науқанында бір шулап жарнамаланып қалудан аспай отыр емес пе? Сайлауға тек партиялар ғана қатыстырыла-тындықтан «Азат» қозғалыс ретінде ондай шулы жарнаманы пайдаланбаса да, өзге уақыттарда шама-шарқынша, тіпті әлгіндей бай партиялар тәуекел етпейтін іс-шараларды да атқарып келеді. Егер билікке тәуелді, партияларына тәуелді газеттер жұмысымызды қасақана жұртшылыққа жария етпей жасырса, оған «Азат» қозғалысы кінәлі ме?!
Бұрын өзімді 1970-80 жылдардағы қазақтың ұлт-азаттығы жолындағы азды-көпті күресіммен КСРО-ның күйреуіне «жазықтымын» деп санаушы едім. Бапи сияқтылардың сөзін тыңдасақ, Қазақстандағы күллі бей-берекетсіздікке Нұрсұлтан Назарбаев емес, мен, Хасен Қожа – Ахмет кінәлі екенмін! 1990-шы жылдары қадірі кете бастаған компартия-ның орнын иемденбек үміті ақталмаған басшылары «Азат» қозғалысын тастап кеткен соң ұйымды өлтірмей, қайта тіркеуден өткізіп, ұлттық, әлеуметтік мәселелерде үн қосып келе жатқанымызға да жазықты екенбіз? «Таз тырнадан өшін алады» дегендей, Қазақстандағы авторитарлық жүйенің мақсатты түрде ұлттық ұйымдар жұмысын жүргіздірмеуін менен көретіндер я жеке басының пендешілігімен алып-қашпа сөздер таратушылар «Азат» қозғалысының жұмыстарын көргісі келмегенімен, «Сырт көз сыншы» демекші, ұлттық ұйымдарға бүйрегі бұрма қоймайтын орыстілді газеттердің өзі біраз жайдан хабардар етеді.. Мысалы, «Экспресс-к» газеті 11.05.1995 жылғы санында: «Следует отметить, что с приходом к руководству Х.Кожа-Ахмета ГДК «Азат» заметно активизировало свою деятельность. Созданное изначально оппозиционным к действующему правительству ГДК «Азат» активно проводит эту программу в жизнь»...(«Современное политическое пространство Казахстана и казахские национально-патриотические движения». Алибек Қуандықоав, кандидат социологических наук, Ермек Аманшаев.)- деп жазса, ал «Деловая неделя» газеті 12.06.1998 жылғы санындағы «Партии и движения: что есть что» деген саяси сараптамасында «Азат» қозғалысы туралы: «В 1993 году «Азат» возглавил извес-тный казахстанский диссидент Хасен Кожа-Ахмет. После этого движение радикали-зировалось и стало более походить на оппозиционное формирование...В дальнейшем руководство движения еще не раз выступало с резкими заявлениями, которые при желании можно было бы даже квалифицировать как оскорбление должностных лиц госу-дарства»-дейді. Ал кейіннен оппозицияға шыға бастаған қалталылар газеттері тек өз ұйымдарын жарнамаласа, өзге бұқаралық ақпарат құралдары да, «Бермесе де бай жақсы» дегендей, тек солардың әр түшкіргеніне жәрәкімалдалап айналшықтаса, ұлттық ұйымдар жұмыстарынан халықты хабардар етпей журналистік принципті бұзса, оған да «Азат» кінәлі ме? Болмаса, соңғы 10 жылдағы «Азат» қозғалысы атқарған жұмыстарды айтсақ «Тасжарған» көлеміндей газеттің 50 санын толтырарлық үндеу, мәлімдеме т.б. іс-әрекет-терімізден мәлімет берер құжаттар баршылық. (Мысалы: Қазақстан-Қытай, Қазақстан-Өзбекстан шекараларын делимитациялауға, Ертіс өзенін Қытайдың бөгеуіне, мемлекеттік тілімізге қамқорлық т.с.с. көптеген мәселелер туралы Қазақстан, Қытай, Өзбекстан, Ресей үкіметтеріне «Азаттың» жолдаған ұсыныс, талаптарына келген жауаптар, т.б.). «Азаттың» жұмыстарынан шын хабардар болмақ ниетті адам құжаттармен келіп таныса алады.
Ал енді Бапидің: «Хасен төбесін де көрсетпеді» -деген, соңғы кездегі Шелек, Маловод-ный, Бақай, Шаңырақ оқиғаларына келсек, Бапидің ол жерлерде өзі болмағандықтан менің болғанымды көре алмаған шығар. Әрине, «Азат» жарғысында «төраға қозғалыстың күллі жұмыстарын өзі атқаруға міндетті» деген талап жоқ. (Әлде осы оқиғалардың басы-қасында «Азаттан» өзге ұйымдардың барлығының төрағалары Б.Әбілов, Ж.Тұяқбай, С.Әбділдин-дер қона жатып па еді?) Бірақ, аталған оқиғалардың барлығына дерлік «Азат» мүшелері өзге ұлттық ұйымдармен бірге қатысты, өзім де болдым. Мұны Бапи, Болаттар көргісі келмесе де бірге барған азаматтар, жергілікті мыңдаған халық куә.Мысалы, аудан әкімі, облыстық әкімшіліктің қатысуымен өткен Шелек аулындағы жиында сөйлеп тұрға-нымды «31»-телеарна да көрсетті. Осы оқиғаға байланысты баспасөз мәслихатындағы мәлімдемедегі: «Диаспораларды шекара маңына топтастырып қоныстандыру Қарабақ, Приднестровье сияқты сепаратизмге соқтырарын, Ұйғыр ауданы деген атауды өзгерту», т.б. ұсыныс, талаптарымды жариялауға газеттердің жүрегі дауаламаса қайтейік? Ал Қазатком оқиғасына байланысты Есік қаласында қазақ азаматтарына сот боларын естіп, шұғыл түрде ұлттық ұйымдардың басшыларын жинап аудандық сот төрағасы, әкімшілік, бас прокурормен айқайласып, сотқа қатысып, сот үйінің ауласында митинг өткізуіміздің нәтижесінде екі жігіттің тек шартты түрде жазалануына қол жеткіздік. Бұл шараларда «Нағыз Ақжол» партиясынан ешкім төбе көрсетпек түгіл, партиялық «Қазақстан» атты газетінің күні бойы бізбен жүрген тілшісі Г.Тойболдинаға бұл сапарымыз туралы бір сөз де жариялатпаған. Ал бір айдан соң ұлтжанды азаматтардың жинаған қаражатына «Қазақ-стан» баспасөз клубында «соттардың шешендерді емес, тағы үш қазақ жігітін біржақты соттап жатқандарын» мәлімдегенімді Бапи теледидардан көрмеген болса да сол баспасөз мәслихатына қатысқан «Тасжарған» газетінің тілшісі Кемелбек Шаматаевтан естімеуі мүмкін емес. Билікті жағалап-сағалаған БАҚ-тарға мен реніш айтып сөзімді қор етуді қойғалы қашан. Бірақ: «Халық қамын күйттеуші тәуелсіз, оппозициялық басылымбыз»- дейтін «Тасжарған» да, өзге газеттер де «Азаттың» сол іс-шарасы туралы жақ ашпай қалған. «Мұндай ішмерез қылықтарыңның себебі не?» –деген сұрақ қойсақ, Бапи және басқа «оппозиционерлеріміз» не деп жауап берер екен?
Әбілов партиясын Желтоқсан алаңының тағдыры толғантар болса, 2007-жылдың көктемінде, құрылыс басталарда «Желтоқсан», «Азат» т.б. ұлттық ұйымдар сол алаңды қорғауға шыққан кездері қайда қалыпты?! Желтоқсан алаңын жын-ойнақ, сауда орнына айналдыру халқымыздың тарихи жадын өшіруге бағытталған вандализм, ұлт рухын қорлау екенін, бұған нарзылық білдіріп 2007 жылдың 9-мамырынан бастап алаңда аштық акциясын жариялайтыным туралы Алматы қаласы әкімшілігіне хат жолдағанмын. Оған әкім орынбасары С.Сейдумановтың менің «жауапқа тартылатыным» туралы 04.05.2007 ж. берген жауабы да қолымда сақтаулы.Соған қарамастан полиция қоршаған алаңға барып, айтарымды айтып, үндеуімді таратқанымды, әрине, шақыруымызға келмей қойған «Тасжарған» газеті де, «бас оқырманы» Бапи да білмегенсиді. Сол кездері Желтоқсан алаңын ұлттық ұйымдармен иық тіресе қорғамай, бір жыл өткен соң, өзге ұйымдардан астыртын алаңға шыққан әбіловшілдердің мақсаты - тек өз партияларының «жаңа» ат алғанын жарнамалау әрекеті екенін жұрт түсінбейді деп ойлайды-ау Бапи?!
2007 жылдың қазан айында, әкімшілік жасырын сатып жатқан жерден баспанасыз алматылықтардың 2 мыңдай отбасына жер телімдерін бөліп беріп, «Шаңырақ-5» ықшам-ауданын құрудың да басы-қасында жүрдік. Үш күннен соң келген полиция, ОМОН-дармен баспанасыздар шайқасқа түсіп жатқанда бір ай бойы шақырып бірде-бір «оппозициямыз» дейтін «Тасжарған», Свобода слова», «Қазақстан» газеттерін келтіре алмадық. Солай бола тұра біз: «Оппозициясымақ газеттер сөйтіпті!»- деп оларды әшкерелеуге асықпай, тағы да: «Ниеттерінен тапсын!» -дегенбіз.
2007 жылдың 10-қазан күні «Исламшыл террористерге қарсы жаттығу» өткізген Алматы Ұлттық қауіпсіздік комитеті әл-Фараби атындағы ҚазМҰУ-нің Студенттер сара-йындағы жастарды ескертпестен кепілдікке алып шошытуына байланысты «Азат» қозға-лысының жедел ұйымдастыруымен «Ел болашағы», «Саяси репрессия құрбандары», «Ар-намыс» ұйымдары өзім басқаратын музейде, «жоғарыдан» ескертуге қарамастан, баспасөз мәслихатын өткіздік. Мәлімдемеде «студенттер мен олардың ата-аналарын моральдық өтемақы талап етіп ҰҚК департаментін сотқа жауапқа тартуға, т.б.» шақырдық. «Азат» газетінің 9-қараша 2007 ж.санында осы мәслихаттағы Мәлімдемеміз «Жаттығу емес, на-ғыз террорлық әрекет» - деген атпен жарияланды. Ал сол баспасөз мәслихатына шақыр-ғанымызға келмегендіктен «Тасжарған», «Свобода слова» газеттерінің редакциясына өз аяғымызбен барып, мәлімдемемізді қолдарына тапсырған едік. Оны «Тасжарған» газеті 18.10.2007 ж. санында «Апта аптығы» деген айдармен, «КНБ» қауіп төндірді» деген атпен қысқа хабар етіп жариялаған екен. Рақмет. Бірақ, қайнағасының атын атамайтын ибалы келінше, әлгі шараны өткізуші «Азаттың» және қолдаушы үш ұйымның да атын газеттің атамай:«Алматы қаласындағы қоғамдық саяси ұйымдар өкілдері»-дей салуы қандай журналистік тәсілге жатады? Жарайды, «Азат» және басқа ұлттық ұйымдардың жұмыстарын «Тасжарған» жарияламаса да Желтоқсан алаңына, ҰҚК-не қатысты әрекетте-рімізді азды-көпті жазған өзге газеттерді оқыса Бапи неге:«Хасен түген жерде төбе көрсет-педі!»- дейді? Әлде ол тек «Тасжарған» газетінің ғана оқырманы ма? Елдегі хабар-ошар-дан мақрұм бола тұра Бапиді өзге ұйымдардың жұмысына баға беруге мәжбүрлеп түрткі-леген кімдер? Ұлттық ұйымдардың ісін Бапи, Әбіловтердің газеттері «істемеді» деп жұрт-тан жасырғанымен куә болған мыңдаған халық олардың жалған сөйлейтінін біліп, газетте-ріндегі билікті сынаған шынайы ақпараттарға да сенбейтін боларын неге ойламайды?!
Сөзіне қарасақ, Бапи «бірлік»-деп күңіренгенде сай-сүйегіңді сырқыратады.Өзі ұлттық ұйымды «қураған қу сүйек т.б.» дей отырып: «Демократ Әкежан мен Болатқа, халықшыл Жармахан мен Ғалымжанға ұлтшылдар Хасендер мен Айсұлулар қосылса, бүгінгі әкімгер-лердің әлемі әлем-тапырақ болар еді»-дейді Бапи. Жөн-ақ. Бірақ бұл тілегін Бапи бізге бірлесіп жұмыс жасауға еш ұсыныс айтпастан, ұйымымыздың атын сыртымыздан тарпа бас салып тартып алмақ әбіловшілдерге айтса еді. Ал бірлесу туралы тілегіміз, «Азат» қозғалысын (қазақ халқын ғайбаттаған Масановты сотқа тартқаны үшін) 2002 жылдың қаңтарында Алматыдағы Цирк үйінде өткен ҚТД жиынына қатыстырмай қоюдан бастап, күні бүгінге дейін қабылданбай келеді. Соған қарамастан «Ақжол» партиясының басшы-лығы сұрауымен сол партияға алғашқы болып ақ жол тілеген де мен едім («Жас алаш» газеті 28.03.2007 ж. ).
Ал,әсіресе 2005 жылдың күзінен бері, менің Ж. Тұяқбайға, С.Әбділдинге, Ә.Қосановқа неше барып жолыққанымды, бірлесу туралы ұсыныстарымның үнемі кейінге ысырылып келе жатқынан Бапи білмеуі мүмкін емес. Ж. Тұяқбай бастама көтерген «Халықтық коалицияға» да «Азат» қозғалысының қосылуға дайын екенін оның көмекшілері Ә.Тоғы-сов пен Ә.Қосановқа 2007 ж. қарашада-ақ мәлімдеп, күні бүгінге дейін жауап күтудеміз. Ендеше, Бапи олардың ұлтшылдармен бірігіп «әкімгерлердің әлемін әлем-тапырақ етуге» неге асықпай отырғанын өздерінен неге сұрамайды?
Ал Айсұлуға келсек, Жасарал екеуі бәлен жыл өз орталарыңда жүрді емес пе? Олар-дың тәжірибесін іске пайдалансаңдар қане? Кезінде ұлттық ұйымдарда алдыңғы қатарда жүрген олар мүлде «солидный әмиәні барлардың» көлеңкесінде қалдырылды емес пе!..
Менің оппозициялық ұйымдардың бірігуі туралы қанша уақыттан бері ұсыныс айтып жүргенімді Бапи да, өзгелері де біле, көре тұра: «Ойбай, Хасен Қожа-Ахмет биліктің адамы, «Азатты» оппозициямен біріктіруге қарсы!»-деп үнемі байбаламдаудағы мақсат не? «Тасжарғанда» Бапи мұнысын тағы қайталағанда, мен алдарына талай рет бірігу ұсынысымен барған Ж.Тұяқбай, Ә.Қосанов, С.Әбділдин, Ә.Тоғысов тағы басқалары неге Бапиге: «Олай емес , қойсаңшы!» демей, үнсіз отыр?
Ал менде билікпен ымыраласар мінез болса жасым қырыққа келгенше КСРО үкіме-тінің түрмесіне саяси іс-әрекеттерім үшін үш дүркін қамалмай-ақ, өзге қазақтардай отаршылдық қамытын киуге көніп: «КПСС жасасын!»-деп жүре берер едім ғой! Қазақстан тәуелсіздігін алғаннан соң да алғашқы оппозицияны құрып, екі бірдей дипломым бола тұра 7 жыл жұмыссыз қалып, «Еңбек биржасында» есепте тұрар ма едім? Ендеше өз бастарыңдағы «билікпен ымраласушылдық» кеселін менен іздеудің қажеті жоқ.
Ал, Бапи мақаласының тақырыбындағы сауалға келсек,..«Время» газетінің 06.03.208 ж.санындағы сұқбатында Болат Әбілов:«Мы открыты для нормального диалога с властью. И похоже, в Акорде начинают это понимать.Главой администрации президента стал Кай-рат Келимбетов – человек демократических убеждений.. Мы с ним еще до создания ДВК очень много встречались, беседовали»..-деп, Ақордадағы өзге де «демократтық бағыт-тағы» адамдар туралы көсіле баяндаған. Сөйтіп Әбіловті «Азат» қозғалысының атына таласуға түрткілеген сол, баяғы- елімізде авторитарлық билікті күшейтудің түрлі жолда-рын ойлап табатын Президент әкімшілігіндегі «демократ» достары екенін Болаттың өзі айтып беріпті. Міне, Бапидің сауалына, Болаттың жауабы.

1970-1980 жылдардағы саяси тұтқын, Қазақстанның азаматтық «Азат» қозғалысының төрағасы Хасен Қожа – Ахмет

31-наурыз 2008 жыл.


Осы «жауап мақала» 04.04.2008 ж. «Тасжарған» газетінің бас редакторы Б.Мәкімбай мен «бас оқырманы» Е.Бапиға тапсырылған еді. Бір ай өткен соң хабарласқанымызда олар бұл мақаланы жарияламайтындарын (БАҚ туралы заңға пысқырмайтындарын), сотқа беруімізден қорықпайтындарын айтты. Міне, жуырда 10 жылдығын атап өтіп, өздерін «нағыз демократияшыл, шыншыл басылым» деп күмпілдеген «Тасжарған» газетін шығарушылардың шынайы сыйқы осындай. Әрине, Е.Бапиге соттан гөрі өзінің жалғандығын әшкерелейтін осы мақала қорқынышты екені түсінікті. Біздіңше, Е.Бапи мен оның сыбайластары (Б.Әбілов т.б.) «Азат» қозғалысына, оның төрағасы Хасен Қожа – Ахметке «Жаптым жала, жақтым күйе» тәсілін қолданып «Тасжарған», «Қазақстан» газеттерінде жалғандыққа толы мақалалар жазғанда, әу баста-ақ бұл «демократтар» «жауап мақалаларды» жарияламауды, ал бұл қылықтары үшін азаттықтар сотқа жүгінген жағдайда «Ойбай, биліктің жандайшаптары Қазақстанда тәуелсіз басылымдарды соттатып жатыр!»-деп күллі әлемге байбаламдауды жоспарлаған сияқты. Мейлі. «Айтылмаса сөздің атасы өледі» деген. Сондықтан, 10 жыл бойы жұрттың «қышыған жерін қасып келе жатқан» басылымдардың да жалғандықтан ада еместігін халық білуге тиіс деп есептеп, «Тасжарған» редакциясы жариялаудан көргенсіздікпен бас тартқан осы «жауап мақаламен» өздеріңізді таныстырмақпыз.

Қазақстанның азаматтық «Азат» қозғалысының басқармасы.

Оставить комментарий

Имя [аноним / ввести пароль]


Заголовок сообщения


Текст сообщения



Введите код, который вы видите на изображении

Комментарии пользователей

1 Anonymous Аноним	Пн Июн 16, 2008 21:16   Мәс-саған, демократсымақ «Тасжарған»! Елге боғыңды жағып, енді өз көтің ашылатындықтан опровержение жариялаудан зәрең ұшып отыр ма, Бапи?! Баспасөз заңын орындамағаны үшін жалған демократ Бапиді газетімен қоса сотпен жауапқа тартып шындықты жариялауға мәжбүрлеу керек оны!
2 Anonymous Аноним	Пн Июн 16, 2008 21:21   Әй, Ер қожа Ер сайын! Оппозициясымақ олигархтардың ақшасына жалған «Азат» құрмақ болып ел бүлдірген Ерсайын. Сайлау кезінде билікке сатылып сол оппозицияңды БАҚ-тардан бақылдап жамандаған Ерсайын. Енді Әбіловке қайта сатылып Хасен, Жасарал, Айсұлуларға жала жапқан Ерсайын. Сатыласың күн сайын. Сайын көшесіне бар да тұр, саған лайық орын сол, Ерсайын!
3 Anonymous Аноним	Пн Июн 16, 2008 21:23   1-ге, Қолдаймын. Адамдарға жала жабатын, халықты алдайтын газетті сотқа беру керек.
4 Anonymous Аноним	Пн Июн 16, 2008 21:37   есть пословица степных казахов о том, что хромая овца после обеда блеет. Так что, господа новоявленные оппозиционеры, где была ваша свобода слова и другие ваши ценности от которых вас просто распирает, раньше, когда Хасен Кожа-Ахмет завтракал, обедал и ужинал "тюремной баландой",за свободу слова при совковом режиме, наверное вы трапезничали ну как минимум в уютной кухне. Так, что господа малы мычите, блейте и кукарекайте дальше. Бутя капитал, обращяюсь к тебе, ты действительно "Мал" с большой буквы, который покупает авторучку "01"-го, а теперь его же хаеш, ну ты просто "политическая проститука". а то ,что ты типа потееш за народ, это только для "лохов" прокатит.И тебя наверное сильно бесит то, что "лохов "то мало.
5 Anonymous Аноним	Вс Июн 22, 2008 23:08   "Тасжарған" гәзеті соңғы кезде тезектерген гәзет болып барады. Біресе анаудай, біресе мынаудай қозғалыс, партия құрып, бір орнында тұрақтамайтын Тұяқбайды, оның адвокаты сияқты жазғыш Қосановты мадақтаудан басқаны білмей жүр. Бұл екеуінің сортирге қалай баратынын жазулары ғана қалды. Оппозицияны бөлшектеуші "қайраткерлер" бұл гәзеттің құрметтілері. Оның есесіне Ғалымжан Жақиянов туралы жөні дұрыс жазуды қойып, ол Азаматты мүлде айналып өтіп жүр мына гәзет. Хасенді кемсітулері де тегін емес, оппозицияны жіліктеп бітіруге жоғары жақтан тапсырма алғандай беталды бірдеңелерді жаза береді.
6 Anonymous Аноним	Пн Июн 30, 2008 23:14  аноним Бәпиге ақша берсең бәрін береді.Жазғандарының 95 пайызы өтірік.Өз басым ондай жапаларға сенбеймін.
7 Qazaq N Аноним	Вт Июл 01, 2008 02:51   Кезінде мен Б.Әбіловты жақтаушы едім.Кейін олар партиясын Азат деп қойғаннан бері көңілім қалды.Міне сол кезде оның кезінде қазаққа қарсы қол қойған хаты да ,кейбір сөздері де еске түсе келді.Бұл оның ж/е партия басшылығының үлкен қателігі деп ойлаймын.Өйткені, Азат біздің санамызда әрқашан да Хасен Қожа Ахмет басқарған ұлттық сипаттағы қозғалыс,осы кезде тіпті ұғым сияқты қалыптасты.Әрине,қазіргі кезде Әбілов ұлттық мүдделерге көзқарасы өзгергенің жиі айтып жүр.Ал Хасекен еш өзгерген емес ж/е оған өзгерудің қажеті де негізі де жоқ.Өйткені ол кісінің болмысы-қазақи,яғни өзіміз.