ҰЛТТЫҚ МІНДЕТ

1

таулы
Свой человек  ( ? )

Мақсұт Оразай. Сөздеріңіз өте орынды. Бірақ ,әттеген-айы бізде жатыр. Себебі осы саитта талай қазақ жүрміз. Гуманитарлық білімі барлар да, инженерлік те. Қазақ журналистикасына біз қалам сілтеп,жаңа бағыт бермесек ешкім бермейді.
Себебі барлық газет жорналдарда қазақ бодан болған кезде оқыған жорналшылар отыр. Олардың бүгінгі өмірден хабарлары шамалы. Барлық сындары ішіп қойды,жер байлығын ұрлап жатыр дегеннен басқа ештеңе жоқ. Ал қазақ газеттерінен бірде бір сындарлы зерттеу мақала көрген емеспін, экономика болсын,басқасы болсын. Тек Мақаш ағамның мақалаларында аналитика іздері бар.
Ол үшін қазақты қалай ынталандыру керек. Егер Елбасы пәлен деген қазақша казитті күнде қарайды екен десе,она қазақтар жабылар еді.
Ал енді таблоид немесе өсекші казиттерге қазақ мықты болуымыз керек, себебі өсек те арызқойлықта қанымызда бар. Сондықтан қазақша таблоидтан бастаса да жөн болар еді.

2

Bolachak
Свой человек  ( ? )

Мақсұт аға! Орынды.Айтқаныңызды қолдаймын.Жазуға қабілетіміз болса,жаза берген дұрыс,өзекті мәселелерді.Бәрібір естіледі.Соға берсең, құдай да өледі дегендей.

3

Айна Айтжанова
Свой человек  ( ? )

Менім ұлттық идеям - қазақ өзін әлемге жақсы жақтарымен танытсын. Солай болған кезде біздің тілімізге, елімізге бәрі қызығып, қазақтың өзін де, тілін де танып, білгісі келеді. Бөс сөздермен айналыспай, қазаққа шын ниетімізбен қызмет етейік.

Ойымда көптеген істер бар, соларды қалай жүзеге асырсам деймін, көмек етеміз десеңдер, көп ойымдағы істерді алып, байып отыруға болады, барлық ойды мен жалғыс асыра алмаймын.

Өзіңіз де көріп отырсыз, орыстар осы жерде мені қалай айналдырып жатқанын. Менім әр бір қазақша жақған сөзімді аударып, түсініп отырғанына күмәнім жоқ.

Сөйтіп олар да қазақша сайрап кетеді.

4

Bolachak
Свой человек  ( ? )

Түйсігіңіз қандай мықты! Айна!Қазақтың аруы!Ерлердің ішінен табылады,ал әйел адамдардың ішінен осындай ойшыл,намысшыл адам бары бәрімізді жігерлендіреді.

5

Максут ОРАЗАЙ
Свой человек  ( ? )

Таулы қарағым! "...өсек те арызқойлықта қанымызда бар."- депсін. Дәл олай емес-ау: бұл (әсіресе арызқойлық) ұзақ уақыт тәуелді болған халықтың бойына егу арқылы жұққан құлдық психологияның қалдығы деп түсіну керек. Одан да арылармыз, себебі ұлт қатып қалған зат емес, тынымсыз дамуда.

Bolachak қарағым! Түсініп, қолдағаныңа қуанамын. Өзің де ойлан, жаз. Сөйлей-сөйлей шешен болады дегендей, жаза берсең, төселіп, ысылып, ойың да ширыға түседі. Тек шыншыл бол.

Айна қарағым! Біреудің мақтауы үшін емес - ел-жұртыңның батасын алу үшін қызмет ет. Талабыңа нұр жаусын. Ойлаған ниетіңе жет.

6

Aнтивирус
Аноним 

Бала-бақша, мектептегі сыныптастар - ауылдастар - курстастар болып та;
Отбасына - атаға-АУЫЛҒА-руға бірігіп-топтасып та;
Қызметтестер - бір көшеде тұратындар болып та;
Топтасу мен бірігудің Заңға қайшы емес түрлерінің бәрін қолдану арқылы да;
............................................................................................................

Осы сан мыңдаған, топтардың ішінде өзара ЖАУАПКЕРШІЛІК хәм ТӘРБИЕЛІК ОРТАЛАР қалыптасып, топ мүшелерінің баршасы қазақша ОЙЛАП, қазақша СӨЙЛЕП, қазақша ІС-ӘРЕКЕТ жасап, Парламент пен Үкіметке аптасына-айына бір хат жіберіп, ұлт мүддесін қолдап тұрса,

Қазақтың көсегесі көгеріп, "мұртын балта шаппас" еді-ау...

7

Антивирус
Аноним 

ЗАҢДЫ талап қоюды үйренейік және ҚР ЗАҢДАРЫН бұлжытпай ОРЫНДАЙЫҚ !!!
.............................................................................................................
ҚАЗАҚСТАН РЕСПУБЛИКАСЫНДАҒЫ ТІЛ ТУРАЛЫ
Қазақстан Республикасының Заңы. 1997 жылғы 11 шілде №151

8-бап Тілдердің қолданылуы

Мемлекеттік тіл Қазақстан Республикасы мемлекеттік органдарының, ұйымдарының және жергілікті өзін-өзі басқару органдарының жұмыс және іс қағаздарын жүргізу тілі болып табылады, орыс тілі ресми түрде қазақ тілімен тең қолданылады.
Мемлекеттік емес ұйымдардың жұмысында мемлекеттік тіл және қажет болған жағдайда басқа тілдер қолданылады.

9-бап Мемлекеттік органдар актілерінің тілі

Мемлекеттік органдадың актілері мемлекеттік тілде әзірленіп, қабылданады, қажет болған жағдайда, мүмкіндігінше, басқа тілдерге аударылуы қамтамасыз етіле отырып, оларды әзірлеу орыс тілінде жүргізілуі мүмкін.

27-бап Тіл – халықаралық қызметте

Қазақстан Республикасының дипломатиялық өкілдіктері мен Қазақстан Республикасының халықаралық ұйымдар жанындағы өкілдіктерінің қызметі мемлекеттік тілде, қажет болған жағдайда басқа тілдерді пайдаланып жүзеге асырылады.
Екіжақты халықаралық шарттар, әдетте, уағдаласушы тараптардың мемлекеттік тілдерінде жасалады, көпжақты халықаралық шарттар оған қатысушылардың келісімімен белгіленген тілдерде жасалады.
Қазақстан Республикасында басқа мемлекеттер өкілдерімен өткізілетін ресми қабылдаулар мен өзге де шаралар басқа тілдерге аударылып, мемлекеттік тілде жүргізіледі.

Қымбатты БАУЫРЛАР !!!

Қазақ Елінің әр-бір азаматы ҚР Заңдарының осы баптарын өзі мүлтіксіз орындап және жүрген жерінде өзгелердің де орындауын талап етсе, онда егемендігіміздің 17 жылы ішінде біртұтас Қазақстан Халқының – қазақ тілін білмейтін бірде бір өкілі қалмас еді.

Сондықтан ӘЛЕМ ХАЛЫҚТАРЫНЫҢ алдында, бұдан ары қарай да масқара бола бермей, біртұтас ҚАЗАҚСТАН ХАЛҚЫ болып заңды талап қоятын кезіміз келді !!!

Парламентте де, Үкіметте де, Жергілікті басқару органдарында да, Саяси партияларда да, Қоғамдық ұйымдарда да ҚР Заңдарының осы баптарын мүлтіксіз орындамайтын бірде бір АДАМ болмауы тиіс !!!

8

Антивирус
Аноним 

Біртұтас

ТІЛІМІЗ,

ДІНІМІЗ,

ЖЕРІМІЗ,

ЕЛІМІЗ

МӘҢГІ ЖАСАСЫН ДЕСЕК

А Н А Т І Л І М І З Д Е С Ө Й Л Е С Е Й І К, Б А У Ы Р Л А Р !!!

Баршамыздың Ойымызға, Сөзімізге, Ісімізге А Л Л А Разы Болсын.

9

Аяз би
Аноним 

{“Я был противник строительства Астаны и сегодня им остаюсь. Назарбаев уйдет, и столица вернется в Алматы. Вы – молодые – это увидите”, - заявил Газиз Алдамжаров.}
................................................................................................................................................................

...Нағыз сарапшы, нағыз көріпкел БИДІҢ сөзі !!! Дүние жүзінде барлық мемлекеттерде, аграрлық даму ресурстарын толық игеріп болған соң, артық қол күші мен материалдық ресурстарды тиімді пайдалану мақсатында ҮЛКЕН мегаполистер табиғи даму жолымен пайда болды...

Жақын болашақта, табиғи аграрлық Қазақ Еліне мегаполистер керек емес (бүкіл халықты 2-3 мегаполиске жинап, оларды ұрпағымен қосып кедейшілікте ұстау - бұл надандық және опасыздық)

Ата-бабаларымыз орыс-совет империясы орнағанға дейін, ұлан-байтақ қазақ жерінде әрбір қазақ отбасын (түтінін) дербес, тұрақты өндіруші күш ретінде қалыптастырып, ешбір техникасыз, өз ақыл-ойымен, табиғатпен үйлесімді өмір сүріп, шаруашылықты жерге орналастырудың және ұжымдық еңбекті ұйымдастырудың ең тиімді – рулық (фирмалық) жүйесін қолданудың арқасында 10 млн.жуық қазақпен қоса, көрші елдердің біразын бағып, экономикалық тұрақтылыққа жетіп, ертеңгі күніне сенімді болған соң, азаматтық қоғамы мен мәдениетін дамытқан.
Егемендік алған күннен бастап, еліміздің Өкіметі мен Үкіметі – егіншілік пен мал өнімдерін өндіруді жыл сайын ұлғайтып, оны ұқсатудың әлемдік ең жоғарғы технологияларын Қазақ елінің әр ауданының орталығында ендіріп, қалың қазақты жұмыспен қамтамасыз етіп, жыл сайын арта түсетін егіншілік пен мал өнімдерін экспортқа шығарып, Қазақ елінің әр аудан орталығын кішкентай «астаналарға» айналдырып, ұлан-байтақ жерді игеру үшін жыл сайын жаңа құдықтар қазып, жаңа қыстаулар салудың орнына, кейбір зиялысымақ – шенеунік – депутат қазақтар ауыл шаруашылығын «приватизация», «оптимизация», «легализация» сияқты ГОЛОЩЕКИННІҢ (1930-шы жылдары бейбіт заманда қазақтың малын тартып алып, ұлтымыздың жартысын қырып жіберген) мыйы жетпейтін науқандарды іске асыру арқылы, еңбекке жарамды бүкіл қазақты бес- алты қалаға жиып алып, олардың екі-үш ұрпақ болып өмір бойы тапқан – таянғанын, байырғы қала тұрғындарының қолына ұстатқызып (олардың мемлекеттен мүліктерімен қоса тегін алған автобазалары, сауда және өндіріс орындарынан тыс, бас-басына мемлекеттен тегін алған қос-қос пәтерлері мен көптеген сая – бақтары құйтырқы саясаттың арқасында қып-қызыл ақшаға айналды), оларды бір байытып тастады...
Осындай жолмен байып алған, орыс-совет империясының мұрагер-көзіндей болған байырғы қала тұрғындары, елдің әр жерінен үлкенді-кішілі кәсіпкерлік ашып, арнайы ЖЕР туралы ЗАҢ қабылдатқызып, елдегі бос қалған жерлерді сатып ала бастады...
Ата кәсібінен айырылып, жағдай мен қаражаттың жоқтығынан ауылдан келген үйсіз-күйсіз арзанқол қазақтар – Кеңес империясы мұрагерлерінің отымен кіріп, күлімен шығатын болды.
Ал дүние жүзінің дамыған елдерінің (Англия, Франция, Италия, АҚШ т.с.с.) ауыл-селолары ешқандай «оптимизацияларға» ұшырамай, байырғы халқының көпшілігі ата кәсібін өзгертіп, тентіремей-ақ, өз ата қоныстары мен кәсіптерін заманға сай гүлдетіп-дамытып өмір сүріп келеді...

10

Аяз би
Аноним 

БАСПАСӨЗГЕ ХАБАРЛАМА

2008-жылы 11 шілде күні сағат 15.00-де «Аллажар-қолдау» ҚҚ, «Қазақ интернеті» ҚБ және «Қазақстан-Заман» газеті редакциясының ұйымдастыруымен Елбасшымыз Н.Ә.Назарбаевтың «ҰЛТТЫҢ ҰЛЫ МҰРАТЫ ЖОЛЫНДА ҰЙЫСАЙЫҚ» атты БАҚ-на берген сұхбатынан туындайтын, Қазақ Елінің қоғамдық ұйымдарының міндеттеріне арналған

«Елбасшымызды нақты істерімізбен қолдайық !»
атты тақырыпта дөңгелек үстел өтеді.

Ұйымдастырушылардың мақсаты – Қазақстан халқының бірлігін дәріптеумен қатар, рухы биік – парасаты мол ата-бабаларымыздың, Конституциямызда көрсетілген «ежелгі қазақ жерінде» ортақ тіл, ортақ жер, ортақ дін негізінде қазақ ұлтын қалыптастырып, бүгінге дейін теңдесі жоқ азаматтық қоғамның үлгісін жасап, бүкіл Еуразия кеңістігіне қазақ мәдениетін таратқанын мақтаныш тұтып, қастерлей отырып, халқымыздың діни және ұлттық құндылықтарына сүйене отырып, қасиетті қазақ жерін мекендейтін, қазақ мәдениетін-қазақ үнін сыйлайтын әрбір жанды – оның біртұтас Қазақстан халқының құрамына кіре отырып, ортақ тағдырымызға, болашағымызға жауапты екендігінен туындайтын, ұлттық құндылықтарға негізделген тәрбие алып, әлемдік білім кеңістігінен сусындаған, озық ойлы, Отанын жан-тәнімен сүйетін – Еліміздің даңқын асқақтатып, дүние жүзіне танытатын жас ұрпақ тәрбиелеуге бағытталған қоғамдық ұйымдардың нақты іс-шараларына жұмылдыру.

Іс-шараның бағдарламасы:

15.00-15.05 Дөңгелек үстелдің өту тәртібін, құрметті қонақтарды таныстыру.
(«Қазақстан-заман» газеті бас редакторы- Ертай Айғалиұлы )

15.05-15.25 «Аллажар-қолдау»ҚҚ мен «Қазақ интернеті» ҚБ ұсынған нақты жобаларымен таныстыру.
(«Аллажар-қолдау» ҚҚ президенті - Марат Бөтеев)

15.25–17.00 Тақырып бойынша еркін пікір алмасу.

Кездесуге ұрпақ тәрбиесі және ұлттық мәдениет мәселелері толғандырып жүрген мемлекеттік құрылым өкілдері, қоғамдық ұйым өкілдері, жазушылар, ғалымдар қатысады деп күтілуде.

Ескерту: Дөңгелек үстел тікелей “Online Байланыс“ жүйесі арқылы жүргізіледі. Дөңгелек үстел тақырыбына байланысты сұрақтарыңызды төмендегі нұсқа арқылы толтырып алдын ала жолдауыңызға болады.
Дөңгелек үстел өтіп жатқан кезде Интернет конференция арқылы тікелей эфир бойынша қатысушыларға сұрақтар қоюға немесе Интернет арқылы қатысып отыруға болады.

Адресі: www.qazaq.kz/online

Кездесу өтетін мекен-жай:

«Қазақстан-Заман» газеті редакциясы. Алматы қаласы, Жұмалиев көшесі 28 үй,
( Гоголь көшесінің қиылысы)
Байланыс тел.: 270-64-51, 270-64-45, 225-25-11
тел/факс 270-64-50, E-mail:kazakistanzaman@mail.ru , sn@sn.kz

....................................................................................................................
....................................................................................................................

2008 жылы 11 шілде күні өткен, Елбасшымыз Н.Ә.Назарбаевтың «ҰЛТТЫҢ ҰЛЫ МҰРАТЫ ЖОЛЫНДА ҰЙЫСАЙЫҚ» атты БАҚ-на берген сұхбатынан туындайтын, Қазақ Елінің қоғамдық ұйымдарының міндеттеріне арналған

«Елбасшымызды нақты істерімізбен қолдайық !»
атты тақырыпта дөңгелек үстелге қатысушылардың айтқан пікір-ұсыныстары негізінде қабылданған

ШЕШІМ

1. Тіл үйренудегі көптеген кедергілерді жою үшін, бүгінгі қолданыстағы 42 әріптік әліпбиімізге Мемлекеттік Әліпби статусы берілуін ҚР Үкіметі мен Парламентінен талап етеміз;
2. «Ел болам десең – бесігіңді түзе» деген Бабалар даналығы негізінде және ҚР Конституциясына сай, Еліміздегі барша бала-бақшалар мен мектептерде – мемлекеттік тілде тәрбие беруді ҚР Үкіметінен және жергілікті билік орындарынан талап етеміз;
3. Шетелден келіп жатқан 2309 газет-жорналды, 83 теле-радио бағдарламаларын Қазақстанның кедендік аймағына заңсыз енуін тоқтатуды ҚР Үкіметінен талап етеміз;
4. Қазақстандағы мемлекеттік тілде шығатын 446 газет-жорналдан өзге, диаспоралардың 4000-нан астам мерізімдік басылымдары, Ел заңдарына сәйкес мемлекеттік тілде және өз тілдерінде қосарланып жариялануын ҚР Үкіметінен талап етеміз;
5. Еліміздің «Қазақ Елі» немесе «Қазақ Республикасы» деп аталуын ҚР үкіметі мен Парламентінен талап етеміз;
6. БАҚ-да, Қазақ Елінде «130-дан аса халықтар тұрады», «130-дан аса ұлттар бар» т.с.с., ҚР Конституциясына қайшы сөз тіркестері қолданбауын ҚР Үкіметі мен Парламентінен талап етеміз;
7. ҚР «Тілдер туралы» Заңының «...ҚР мемлекеттік емес ұйымдар өз жұмыстарын мемлекеттік тілде жүргізеді, қажет болған жағдайда басқа тілде» дейтін 8-ші бабының екінші тармағын және «...«Қазақстан Республикасында басқа мемлекеттер өкілдерімен өткізілетін ресми қабылдаулар мен өзге де шаралар басқа тілдерге аударылып, мемлекеттік тілде жүргізіледі» деген 27-бабының мүлтіксіз орындалуын ҚР Парламенті мен Үкіметінен талап етеміз;
8. Қазақ Еліндегі қалыптасқан этносаралық келісімді ары қарай үйлесімді дамытуды, ҚР заңдарына сай, «үй ішінен үй тікпей», әр тектен құралған біртұтас Қазақстан Халқына ортақ , Қазақ Елі азаматтық қоғамының алтын діңгектері болатын, әр деңгейдегі (ауыл-аудан-қала-облыс-республика) «Халық үні» қоғамдық мәдени - ағарту орталықтарын құру арқылы жолға қоюды ҚР Үкіметі мен Парламентінен талап етеміз;