Дата публикации: 2009-05-28 01:23:23

Алтыншы түлік

[1245/7]

     Қазақ өз малын: жылқысын, қой-ешкі, түйе, сиырын «төрт түлік» дейді. Қазіргі заманда бесінші түлік балық болды. Қазаққа алтыншы түлікті игеруді ұсынамын, себебі онымен айналысқан бір қазақты да әлі көрмеппін.

     Айтайын деп тұрғаным – бал арасы. Бұл да малдың бір түрі; көптен ойда жүрген идея еді, бірақ бүгін, елді қаржы-экономикалық дағдарыстан алып шығу әңгімеленгенде, айтудың реті дөп келіп тұр.   

     Әр өсімдік гүлдейді, әрқайсының гүлінің (сексеул мен жантақтың да) шырын нәрі болады, ара сол нәрді жинаймын деп, әр гүлге қонып, нәр және гүл тозаңын да жияды: ол жас ұрық қорегі. Кәрезді ара балауыздан жасайды, ал балауыз, ара сүті, уы, прополис, тозаң  -  қымбат тауар. Бұлар қосымша табыс. Олардың емдік қасиетін, ара тозаңдатқан дақылдардың өнімі 20%-ға дейін артатынын, таза ауада экологиялық таза ас ішіп, күн көргеннің өзі бір ғанибет екені туралы сөз шығындамай-ақ қояйын. 

     Орта есеппен бір жазда 50 кг балды араның әр үйірі береді екен, тек оны бағып-қаға біл. Бір омарташы жиырма шақты ара үйірін бақса, бір тонна бал ондіреді екен. Ақшаға шақсақ, миллион тенге: байып кетпесе де, ешкімге тәуелсіз болмай күнін көріп, бала-шағасын асырай алады. Оған қосымша бірлі-жарым жылқы, сиыр, он шақты саулығы болса, ол қазақтың мұртын балта шаппайды. Оған қала – Алматы да, Астана да – керек емес. Оның балалары да шаруа болып өсіп, қаланың жылтырағына қызықпай, елдің қожасы болады. Қазақтың бал ара бағуды үйренуі керегі даусыз.

     Ал енді осы ниетті іске асыру үшін не қажет? Неден бастау керек? Ұсыныстың тоқ етері мынау: осы шаруаны құп көрген қазақ «Бал» ғылыми-өндірістік бірлестік құруы тиіс. Оған 8-9 шаршы км сулы жерде оқу орны, жатақхана, шеберхана, көлігі, егіндік, шабындық, омартасы, ғылыми-зерттеу кафедралары бар оқу-өндірістік шаруашылық керек.

     Бұл оқу орны әр облыстың әр ауданынан бәсекеден өткізіп, 4-5 оқушы қабылдап, бірер жылда «оқыған омарташы» дипломы бар маман даярлайды. Олар ауылдарына барып, өз бал шаруашылығын, омартасын ашады. Осы жолмен 5-6 жылда әр ауданда 20-25 бал шаруашылығы құрылса, бірлестік балмен Қазақстанды ғана қамтамасыз етіп қоймай, шетелге де сата алады. Бал – шексіз пайда көзі, ол мұнай емес: бітпейді, бағасы да аса құбылмайды.  

     Бір миллиард қытайлық жылына бір грамм қазақ балын жесе, 1000 тонна бал сатып алады екен, ол дегенің 1 миллиард теңге. 

     Осы дөңгелек стөлді өткізуші «Нұр Отан» партиясы «Бал» бағдарламасын қолдап, ол үшін КТУ, жер, «Самырұқ-Қазына»дан 150 000 000 теңге алуға  себі тисе, елді дағдарыстан шығаратын көп жолдың бірі осыдан басталар еді.

Гуманистік партия құрушы     Мақсұт  ОРАЗАЙ  деген  қазақ

Оставить комментарий

Имя [аноним / ввести пароль]


Заголовок сообщения


Текст сообщения



Введите код, который вы видите на изображении

Комментарии пользователей

1 Северный Аноним	Чт Май 28, 2009 15:02   Маке, а вот мясо пчелы в товар превратить - никто не пробовал?
2 Северный Аноним	Чт Май 28, 2009 15:04   "Бір миллиард қытайлық жылына бір грамм қазақ балын жесе, 1000 тонна бал сатып алады екен, ол дегенің 1 миллиард теңге." Я бы лучше 1 грамм пчелиного яда на каждого....
3 Anonymous Аноним	Чт Май 28, 2009 16:37   Жазгандарыныздын бари акылга сиятын нарсе.Осы айткандарынызды омирге енгизу керек, мен сиздин ойларынызды еки колымды котере куптаймын. Ал ана "Северный-шалаказак" оттай берсин. Тиек деген азамат.
4 zheltocsan Аноним	Чт Май 28, 2009 21:24   арман негізен дұрыс, тек қытайға сату жағы ақметал, дефекталдар сияқты теориялық та жүзеге аспайтын бос қиял... Қытайға шынымен де тамақ сатуды экономикалық жағынан тиімді деп тапсақ, онда жаппай есек бағу керек. Ия, ия, кәдімгі есек. Оның етінен жасалған "тағамдар" қытайлықтар үшін нағыз деликатес, қазақша айтқанда жеңсік ас. Есекті бағып көбейту де ара өсіруден қиын емес. Содан кейін жаппай ит, тышқан, құмырсқа, бақа-шаян өсіріп, оларды көбейтуді қолға алу қажет.. бірақ бұл харам іс.
5 Anonymous Аноним	Чт Май 28, 2009 22:40   Северный: Маке, а вот мясо пчелы в товар превратить - никто не пробовал? zheltocsan: Қытайға шынымен де тамақ сатуды экономикалық жағынан тиімді деп тапсақ, онда жаппай есек бағу керек. Ия, ия, кәдімгі есек. Создайте фирму "Севжелесек" и вперед. "Севжелесек" фирмасын құрыңдар. Іске сәт.
6 zheltocsan Аноним	Пт Май 29, 2009 22:59   бал арасының да құпия қызық сырлары бар дейді ара бағушылар.
7 Anonymous Аноним	Сб Май 30, 2009 12:06   жақсы жазыпсыз. жақсы ой.